उपभोग्य वस्तु तथा मास्कको नियमित र सहज व्यवस्थापन गर्ने सरकारको निर्णय

विमानस्थल तथा नेपाल प्रवेश गर्ने नाकामा स्वास्थ्य जाँच थप प्रभावकारी बनाइने

काठमाडौं- सरकारले कोरोना भाइसरको संक्रमण विश्वका विभिन्न देशमा फैलिरहेको समयमा नेपालमा उपभोग्य वस्तु र मास्क तथा अन्य अत्यावश्यक वस्तुको सहज र नियमित आपूर्तिको व्यवस्था गर्ने निर्णय गरेको छ।

मुख्य सचिव लोकदर्शन रेग्मीको अध्यक्षतामा बसेको केन्द्रिय अनुगमन तथा मुल्यांकन समितिको बैठकले दैनिक उपभोग्य वस्तु, मास्क, स्यानिटाइजर र नेपाल प्रवेश गर्ने नाकामा स्वास्थ्य जाँच गर्ने विषयमा तीन बुँदे निर्णय गरेको छ।

समितिले दैनिक उपभोग्य वस्तुको पूर्ववत रुपमा सहज र नियमिथत आपूर्तिको व्यवस्था गर्ने, मास्क, स्यानिटाइजर जस्ता अत्यावश्यक वस्तुहरुको मागलाई नियमित रुपमा आपूर्ति गर्नका लागि आयात तथा उत्पादन बृद्धि गर्ने र विमानस्थल लगायत नेपाल प्रवेशका प्रमुख नाकाहरुमा उपकरण सहति स्वास्थ्यकर्मीको व्यवस्था गरी यात्रुहरुको ज्वरो मापनलाई प्रभावकारी बनाउने निर्णय गरेको हो।

हेरौँ निर्णय