पढायो–पढायो, दक्षिणा हरायो : विशेषज्ञ डाक्टरको लाइसेन्स परीक्षमा ५६ प्रतिशत अनुत्तीर्ण

काठमाडौं :  नेपाल मेडिकल काउन्सिलले विशेषज्ञ डाक्टरका लागि लिएको लाइसेन्स परीक्षामा ५६ प्रतिशत डाक्टर असफल भएका छन्।

परीक्षामा ३४ विधाका ३ सय १५ डाक्टर सहभागी भएपनि ४४ प्रतिशत डाक्टर मात्र उत्तीर्ण भएको काउन्सिलका रजिष्ट्रार डा. कृष्ण अधिकारीले जानकारी दिए।

सबैभन्दा बढी रेडियोलोजी र अर्थोपेडिक्सका डाक्टर परीक्षामा सहभागी भएका काउन्सिलले तथ्यांकमा उल्लेख छ।

विशेषज्ञ चिकित्सकका लागि नेपाली सेनाको स्वास्थ्य विज्ञान संस्थान सानोभर्‍याङमा  शनिबार बिहान ९ देखि ११ बजेसम्म परीक्षा लिइएको थियो।