जापानमा बिदेशी बिद्यार्थीले सहजै काम पाउने

टोकियो- जापान बिदेशी बिद्यार्थीहरुलाई सहज हुने नियम बनेको छ | यहाँको सरकारले विभिन्न देशबाट अध्ययन गर्न आएका बिद्यार्थीहरुलाई सजिलै काम गर्न पाउने गरि नियम पारित गरेको हो |

विदेशी विद्यार्थीहरुलाई सहयोग गर्ने उदेश्य सहित सन् २०१८ डिसेम्बरमा तयार मस्यौदामा थप खुकुलोपना ल्याउने निर्णय गत शुक्रबार प्रधानमन्त्री कार्यालयमा बसेको बैठकले परित गरेको हो |

विद्यार्थीहरुले सजिलै काम पाउने अवसर सिर्जन गर्न र जापानमा रहेका बिदेशीहरुलाई नयाँ रोजगार भिषामा सहभागी गराउने दायरा बढाउन संशोधित नीतिले सहयोग पुर्याउने सरकारी अधिकारीहरुले बताएका छन् ।

नयाँ प्याकेज भित्र विदेशी विद्यार्थीहरुलाई रोजगारी पाउन अवसरहरु बृद्धि गर्ने उपायहरु अपनाउन जापानी कम्पनीहरुलाई सरकारले जानकारी गराउनेछ ।

यसका साथै जापानमा स्नातक तहसम्म अध्ययन गरेर पनि रोजगारी खोज्न नसकेको अवस्थामा उनिहरुले काम खोज्नका लागि जापानमै बस्न पाउने थप भिषा पाउनेछन् । यसको लागि विद्यार्थीहरुले ईन्टर्नसीप आवेदन दिन सरकारी अधिकारीहरुले आग्रह समेत गरेका छन् ।

यसका साथै बिदेशी विद्यार्थीहरुलाई काम खोज्ने अवसर प्रदान गर्न जापानभर हुँदै आएको रोजगार मेलालाई थप स्थानमा विस्तार सहित बृद्धि गरिने भएको छ ।

त्यसैगरी नयाँ रोजगार प्रणाली अन्र्तगत तोकिएको क्षेत्रमा जापानमा काम गर्न चाहने बिदेशीहरुले जापानमा आएर परिक्षा दिन पाउने भएका छन् ।

नयाँ भिषा कार्यक्रमको दायरालाई बढाएर सरकारले व्यापार तथा पर्यटक भिषामा जापान आएका बिदेशीले पनि तोकुतेई गिनोउ प्रणाली अन्र्तगत परिक्षा दिएर जापानमा रोजगार गर्न पाउने मौका दिने भएको हो ।