फिर्ता भयो अध्यादेश, केपी ओली अहंकारको अबसान, ओलीको बालहठले नेकपाको छबी धुलिसात

काठमाडौं । मधेशी दल फुटाउन र आफ्नै पार्टीका दोस्रो तहका अध्यक्ष प्रचण्डलाई पाखा लगाउन खोजेका प्रधानमन्त्री केपी शर्मा ओली नराम्रोसँग असफल भएपछि भारी पश्चातापसहित अध्यादेश फिर्ता लिएका छन् ।

कारोना भाइरस तेस्रो चरणमा प्रबेश गरेर सिंगो मुलुकमा त्रासदी फैल्याइरहे पनि जनताको जीबन रक्षातिर कुनै मतलब नगरी मधेसी दलको बिभाजन गर्दै आफ्नो कुर्सीलाई सुरक्षित गर्ने षडयन्त्रमा लागेका ओलीको उक्त षडयन्त्र ४८ घण्टाभित्रै असफल बनेपछि अध्यायदेश फिर्ता मात्र बिकल्प थियो ।

मधेशी दल फुटाउन खोज्दा जुटेपछि आफ्नो षडयन्त्र नराम्रोसँग ‘ब्याकफार’ भएको ओलीले महसुस गरेका थिए । यसमा असफल भएपछि अध्यायदेशको औचित्य पुष्टि गर्न नैतिक संकटमा परेका ओलीले बिहिबार बिहानै बरिष्ठ नेता माधब नेपाललाई बालुवाटार बोलाएर आफू फसेको भन्दै यस संकटबाट उकास्न अनुनय बिनय गरेका थिए । नेता नेपालले अध्यायदेश फिर्ता गर्दा अहिलेको समस्या ‘सेटलमेन्ट’ हुने सल्लाह दिदै अर्का अध्यक्ष प्रचण्डसँग पनि सल्लाह गर्न सुझाएका थिए ।

लगत्तै बालुवाटार छिरेका प्रचण्डले पनि यही सल्लाह दिएपछि उनी अध्यायदेश फिर्ताका लागि कानुनी परामर्शमा जुटेका थिए । स्रोतका अनुसार आजको मन्त्रीपरिषदको बैठकमा ओलीको अनुहार अत्यन्तै मलिन र पश्चातापका अनगिन्ती रेखा देखिन्थ्यो । उनी राम्रोसँग बोल्न सक्ने अबस्थामा पनि थिएनन् । उनले बैठकमा आफूले पार्टी हितकै लागि कदम चालेको भन्दै आफ्नो षडयन्त्रको बचाउ गरेका थिए ।

देशी, बिदेशी शक्ति र सन्चारमाध्यमको घेराबन्दीले आफ्नो योजना असफल भएर यो स्थितिमा पुगेको ओलीले मन्त्रीपरिषदका सदस्यहरुलाई बताएका थिए । ओलीमा हेर्न लायक आत्मग्लानी र पछुतो देखिएको छ ।

प्रधानमन्त्री ओलीको हालत पत्ला भएको जानकारी पाएको शितल निबासले पनि ओलीलाई सजिलो बनाउन अध्यायदेश फिर्ताको कानुनी परामर्श गरेको थियो ।

कोरोनाको महामारीविरुद्ध लड्नुपर्ने बेलामा बालुवाटारमा बसेर मधेशी दल फुटाउने षडयन्त्रको ड्राफ्ट गर्नतिर दैनिक १८ घण्टा खटेका प्रधानमन्त्री ओलीले उल्टो राजपा र सामाजवादी पार्टीलाई एकतावद्ध बनाईदिएका छन् । ओलीको षडयन्त्रलाई चकनाचुर पार्दै अब जनता समाजवादी पार्टी नेपालको तेस्रो ठूलो राष्ट्रिय दल बन्न पुगेको छ ।

मधेशबादी दल फुट्नुको साटो जुटेपछि अध्यायदेश आफ्नो लागि गलपासो बनेको महसुस गरेका थिए ।मधेशी दलहरुको एकतापछि आफूलाई मात्र कुटिल राजनीतिक खेलाडी ठान्ने ओली मधेशबादी दलका नेताहरु राजेन्द्र महतो र उपेन्द्र यादबबाट नराम्रोसँग पराजित भएको सन्देश देशभर गएको छ। यसले ओलीलाई निकै ठूलो बेचौनी बढेको नेकपाका बरिष्ठ नेताहरुले नै बताएका छन् ।

नेता नेपालले राष्ट्रपतिमार्फत अध्यायदेश खारेज गर्दा राम्रो हुने सुझाब दिएका थिए । संविधानको धारा ११४ को उपधारा २ ख मा सरकारको सिफारिसमा राष्ट्रपतिले अध्यादेश खारेज गर्न सक्ने व्यवस्था छ ।