जापानमा ८ प्रतिशतले घट्यो बियरको विक्री।

टोकियो जापानमा गएको महीना बियरको विक्री घटेको छ । गत वर्षको सोही अवधिको तुलनामा बियरको विक्री ८ प्रतिशतले घटेको छ । अक्टोबरमा बियरको भाउमा गरिएको वृद्धिको प्रभाव अझैं पनि देखिइरहेको छ । जापानका प्रमुख ब्रुअरी कम्पनीहरु किरिन ब्रुअरी र अन्य कम्पनीहरुले सोमबार सार्वजनिक गरेको अनुमानले देखाएको हो ।

किरिनको विक्री आयतन ८ प्रतिशतले घटेको छ । साप्पोरो ब्रुअरिजको विक्रीमा पनि ७ प्रतिशतको कमी आएको छ । समीक्षा अवधिमा क्यान बियरको विक्रीमा उल्लेख्य कमी आएको छ । विशेषगरी घरायशी प्रयोजनको विक्री घटेको छ । सन्टोरी स्पिरिट्सको विक्री २ प्रतिशतले मात्रै घटेको छ ।