अमेरिकामा मृत्यु हनेको संख्या ७१ हजार नाघ्यो, के छ सार्क राष्ट्रहरुको अवस्था?

काठमाडौं,७ बैशाख – अमेरिकामा कोरोना भाइरसको संक्रणबाट मृत्यु हनेको संख्या ७१ हजार नाघेको छ।

नेपाली समय अनुसार बुधबार बिहान ११ बजे सम्मको तथ्यांक अनुसार अमेरिकामा ७१ हजार ७८ जनाको मृत्यु भएको छ । अमेरिकामा मंगलबार मात्र २ हजार ३ सय भन्दा बढीको मृत्यु भएको थियो।

कोरोनाका कारण धेरै मृत्यु हुने देशमा बेलायत दोस्रो नम्बरमा परेको छ। बेलायतमा २९ हजार ५ सय १ जनाको मृत्यु भइसकेको छ। इटालीमा २९ हजार ३ सय १५, स्पेनमा २५ हजार ६ सय १३, फ्रान्समा २५ हजार ५ सय ३७ जनाको मृत्यु भएको छ।

जोन्स हप्किन्स युनिभर्सिटीको तथ्यांक अनुसार विश्वभर मृत्यु हुनेको संख्या २ लाख ५७ हजार २ सय ८८ पुगेको छ। विश्वमा मंगलबार मात्र ५ हजार भन्दा बढीको मृत्यु भएको थियो।

२४ घण्टामा संसारभर संक्रमितको संख्या ८१ हजार भन्दा बढी छ। योसँगै विश्वभर संक्रमितको संख्या ३६ लाख ६३ हजार ९ सय ११ पुगेको छ।

अमेरिकामा १२ लाख ३ हजार ६ सय ७३, स्पेनमा २ लाख १९ हजार ३ सय २९, इटालीमा २ लाख १३ हजार १३, युकेमा १ लाख ९६ हजार २ सय ४०, फ्रान्समा १ लाख ७० हजार ६ सय ८७ जना संक्रमित भएका छन्।

संसारभर ११ लाख ९९ हजार ३ सय १४ जना निको भएका छन्।  अमेरिकामा १ लाख ८९ हजार ७ सय ९१, जर्मनीमा १ लाख ३५ हजार १ सय, स्पेनमा १ लाख २३ हजार ४ सय ८६, इरानमा ८० हजार ४ सय ७५, चीनमा ७८ हजार ८ सय ४७ जना निको भइसकेका छन्।

सार्क देशको अवस्था 
भारतमा मंगलबार एकै दिनमा २ हजार ९ सय ६३ जना नयाँ संक्रमित थपिएका छन् भने १ सय २७ जनाको मृत्यु भएको छ। योसँगै भारतमा संक्रमितको संख्या ४९ हजार ४ सय पुगेको छ। १ हजार ६ सय ९३ जनाको मृत्यु भएको छ। निको भएर घर फर्किनेको संख्या १४ हजार १ सय ४२ पुगेको छ।

मंगलबार पाकिस्तानमा १ हजार १ सय ८ जना संक्रमित भएका छन् भने ३८ जनाको मृत्यु भएको छ। योसँगै पाकिस्तानमा संक्रमितको संख्या २२ हजार ४९ पुगेको छ। ५ सय १४ जनाको मृत्यु भएको छ। ५ हजार ८ सय १ निको भएर घर फर्किका छन्।

बंगलादेशमा २४ घण्टामा ७ सय ८६ जना संक्रमित भएका छन् भने एक जनाको मृत्यु भएको छ। योसंँगै बंगलादेशमा संक्रमितको संख्या १० हजार ९ सय २९ पुगेको छ।
मृत्यु हुनेको संख्या १ सय ८३ पुगेको छ। १ हजार ४ सय ३ जना निको भएका छन्।

मंगलबार अफ्गानिस्तानमा ३ सय ३० संक्रमित थपिएका छन् ५ जनाको मृत्यु भएको  छ। यो सँगै अफ्गानिस्तानमा संक्रमितको संख्या ३ हजार २ सय २४ पुगेको छ। ९५ जनाको मृत्यु भएकोे छ। ४ सय २१ जना निको भएका छन्।

श्रीलंकमा मंगलबार २० जना संक्रमित थपिएका छन् भने एक जनाको मृत्यु भएको छ। यो सँगै संक्रमितको संख्या ७ सय ७१ पुगेको छ। ९ जनाको मृत्यु भएको छ। २ सय १३ जना निको भएर घर फर्किसकेका छन्।

माल्दिभ्समा मंगलबार ३२ जना बिरामी थपिएका छन् भने १ जनाको मृत्यु भएको छ। योसँगै  संक्रमितको संख्या ५ सय ७३ पुगेको छ। २ जनाको मृत्यु भएको छ। २० जना निको भएर घर फर्किसकेका छन्।

नेपालमा संक्रमितको संख्या ८२ पुगेको छ। २२ जना निको भएर घर फर्किसकेका छन्।

भुटानमा संक्रमितको संख्या ७ पुगेको छ। ५ जना निको भएका छन्।