नेकपा सचिवालय बैठक सुरु, बैठकको बसाइको व्यवस्थापन नयाँ किसिमले

सत्तारुढ दल नेपाल कम्युनिस्ट पार्टी (नेकपा)को सचिवालय बैठक सुरु भएको छ।

शनिबार साँझ ६ बजे प्रधानमन्त्री निवास बालुवाटारमा सचिवालयको बैठक सुरु भएको छ ।

पार्टीभित्र देखिएको विवाद समधानका लागि निर्णायक मानिएको बैठकको बसाइको व्यवस्थापन नयाँ किसिमले गरिएको छ।

कार्यकारी अध्यक्ष बनेपछि प्रधानमन्त्री केपी शर्मा ओलीसँगै पुष्पकमल दाहाल प्रचण्डको कुर्सी राखिएको थियो। तर बीचमा पार्टीमा विवाद देखिएपछि प्रचण्ड अन्य सचिवालय सदस्यसँगै बस्दै आएका थिए।

शनिबारको बैठकमा भने दुवै अध्यक्षलाई सँगसँगै राखिएको छ र अध्यक्षको सम्मुखमा महासचिवलाई राखिएको छ। तीन–तीन सचिवालय सदस्यलाई र महासचिव र अध्यक्ष बीचको भागको दायाँ र बाँया राखिएको छ।

यसअघिकाे सिट व्यवस्थापनमा प्रधानमन्त्रीकाे सिट अन्य सदस्यकाे भन्दा फरक रुपमा राखिएकाे थियाे।

प्रधानमन्त्री केपी शर्मा ओलीले राजनीतिक दल र संवैधानिक परिषदसम्बनधी अध्यादेश ल्याएपछि पार्टीमा देखिँदै आएको विवाद समाधानका लागि भन्दै सचिवालय बैठक बसेको हो। सचिवालय बैठकले स्थायी समितिको बैठकको मिति टुंगो लगाउने बताइए पनि प्रधानमन्त्री ओली भने स्थायी समिति बैठकको विपक्षमा देखिएका छन्।

बैठकमा वरिष्ठ नेता माधवकुमार नेपाल पक्षले भने स्थायी समिति बैठक बोलाउनु पर्ने मागमा अडिग रहने स्रोतले बताएका छ।