उद्योग बाणिज्य संघको परिसरमा सुनचाँदी व्यवसायिद्वारा भोकाहरुलाई निशुल्क खाना खुवाउदै

चितवन, वैशाख | चितवन नारायणगढ बजार स्थित उद्योग बाणिज्य संघको परिसरमा हरेक दिन बिहान ११ बजे देखि १ बजे सम्म निशुल्क खाना खानेहरुको लस्कर लाग्ने गर्दछ । भोको पेट भएकाहरु हरेक दिन ११ बज्नासाथ खाना खान उद्योग बाणिज्य संघ परिसरतिर बाटो लाग्ने गर्दछन ।

त्यस्तै खानाको व्यवस्थापनमा १०÷१५ जना युवाहरु माक्स,पन्जा,टोपी लगाएर खटिएका हुन्छन । उनीहरु हरेक दिन बिहानै देखि खाना बनाउने र खाना प्याकिङ्ग गर्ने,खाना खुवाउने गर्दछन । जब ११ बज्छ खाना खान आउनेहरु हात धोएर,दुरीकायम गर्न लगाईएको चिन्हमा बस्छन र खाना खान्छन । यो क्रम चैत्र २९ गतेबाट चलेको हो र बन्दाबन्दीको अबधिभर चलिरहने निशुल्क खाना बितरण कार्यक्रम संयोजक बिपिन रामुदामु जानकारी दिनु भयो । बन्दाबन्दीको मारमा सडक बालबालिका ,असाहाय,बिपन्न र मजदुरहरु परेको र भोको पेटलाई खुवाउनु मानविय धर्म भएकाले खाना खुवाउने व्यवस्था गरेको बताउनु भयो । “अहिले सम्म तीन हजार जना व्यक्तिलाई निशल्क खाना खुवाएका छौ । ” उहाँले भन्नु भयो ।

निशुल्क खानाको व्यवस्थापन नेपाल सुनचादी व्यवसायि संघ चितवन, सुनचादी बचत तथा ऋण सहकारी संस्था लिमिटेड,विश्वकर्मा बचत तथा ऋण सहकारी संस्था लिमिटेड, विश्वकर्मा सुनचादी व्यवसायि संजाल मिलेर गरेको हो । एक महिना सम्म निशुल्क खाना खुवाउने लक्ष्य लिए पनि बन्दाबन्दी बढ्दै जादा निरन्तरताको लागि अन्य सहयोगि हातहरुबाट पनि सहयोग मागिरहेको जनाईएको छ ।