चितवन, वैशाख | वागमती प्रदेश प्रहरी कार्यालयका प्रमुख प्रहरी नायब महानिरीक्षक (डिआईजी) वसन्तकुमार लामा स्थलगत अनुगमन तथा निर्देशनका लागि फिल्डमा खटिन सुरु गरेका छन् । कोरोना कहरका विचमा प्रदेश प्रमुखको जिम्मेवारी सम्हालेका लामाले भिडियो कन्र्फेरेन्सबाट मातहत प्रहरी प्रमुखहरुलाई निर्देशन गरेसगैँ वागमती प्रदेश अन्र्तगतका जिल्लाहरुमा यतिवेला लकडाउन र कोराना कहरका वस्तु स्थिती बुझन् अनुगमन तथा निर्देशनका लागि फिल्डमा खटिएका हुन् ।
सोही अभियानको क्रममा प्रदेश राजधानी मकवानपुरपछि आज चितवन जिल्ला र प्रदेश ट्राफिक प्रहरी कार्यालय रामनगरको अनुगमन र निर्देशन गर्दै कोरोनाको रोकथाम, नियन्त्रण एवंम् उद्धार कार्यमा प्रहरीले गरेको कामको प्रशंसा गरेका छन् । प्रहरीलाई विगतमा भन्दा थप क्रियाशिल बन्न सुझाव पनि दिए ।
यस्तै समग्र चितवन प्रहरीको गतिविधि, अपराधिक अवस्था लगायत कोरोना भाईरसको संक्रमणलाई फैलन नदिन प्रहरीले गरिरहेको विविध जनमुखि गतिविधिहरुका विषयमा चितवन प्रहरी प्रमुख एसपी नान्तीराज गुरुङले जानकारी गराएका थिए ।
सो अवसरमा बोल्दै डिआईजी लामाले यो विपद्को घडीमा प्रहरी अझै थप सक्षम बन्दै जनताको सेवामा अझै राम्रो बनेर उत्कृष्ट सेवा प्रवाह गर्न निर्देशन दिएका छन् ।
“कोरोना संक्रमणबाट बचाउने अभियान पहिलो प्रथामिकता वागमती प्रदेश प्रहरीको छ, उनले भने, अब नागरीकहरुको सुरक्षामा विशेष ध्यान दिदै कोरोना संक्रमणबाट बचाउनका लागि सक्दो पहल विशेष ध्यान दिऔँ । ”
यस्तै यो समयमा घरेलु हिंसा लगायतका अपराधिक घटना बढ्ने भन्दै कोरोना संक्रमण रोकथामका लागि सरकारले गरेको लकडाउनलाई पूर्णरुपमा कार्यान्वन गराउनु पर्ने जोड दिए ।
साथै अपराधिक घटना रोक्दै बागमती प्रदेशलाई सुरक्षित र नमुना बनाउनका लागि विभिन्न स्थानहरुमा आवश्यकता अनुसार प्रहरी परिचालन गर्ने समेत उनले बताए ।
उनले बाहिरी स्थानबाट भित्रिने खाद्य सामग्री देखि नागरिकहरुको निगरानी र सुरक्षाको उपायहरु खोजीमा ध्यान दिन निर्देशन गरेका थिए ।
यस्तै प्रदेश ट्राफिक प्रहरी कार्यालय रामनगर चितवनको अनुगमन गर्दै लकडाउनमा समेत सवारी चालाउने क्रम बढिरहेको भन्दै यहि मौका छोपेर मापसेका घटना समेत बढेको भन्दै यस तर्फ ध्यान दिन निर्देशन दिए ।
सो अवसरमा प्रदेश ट्राफिक प्रहरी कार्यालय रामनगरका प्रमुख प्रकाश रानाभाट प्रदेश भरिको पछिल्लो वस्तुस्थितका बारेमा जानकारी गराएका दिए । उनले लकडाउन पूर्ण रुपमा पालाना गराउन महत्वपूर्ण भूमिका हुने भन्दै यसमा विशेष ध्यान दिन निर्देशन पनि दिए ।
अनुगमन तथा निर्देशन कार्यक्रममा वागमती प्रदेश प्रहरी कार्यालयका प्रहरी उपरिक्षक (एसपी) अरुण पौडेल, चितवन प्रहरी प्रवक्ता डिएसपी एकनारायण कोईराला, ईलाका प्रहरी कार्यालय टाँडीका प्रमुख डिएसपी रविन कार्की, चितवन ट्राफिक प्रहरी प्रमुख प्रहरी निरीक्षक दयाकृष्ण भट्ट लगायत जिल्लाका सबै युनिटका प्रमुखहरुको सहभागी थियो ।
याशासी मिडिया हाउस प्रा.लि.
भरतपुर - १० चितवन ,नेपाल
ईमेल: [email protected]
कार्यालय फोन- +९७७-५६-६९५२५४, ९८४५०५५३६५
सूचना तथा प्रसारण बिभाग दर्ता नं. ३२३४-२०७८/७९
प्रतिक्रिया दिनुहोस