गैंडाकोटका युवाहरुको सक्रियतामा सेनीटाइजेसन २० औं दिनमा प्रवेश:- संयोजक कृष्ण कंडेल

कोरोना भइरसका कारण लकडाउन भएपछि सुरु गरिएको सेनीटाइजेसन गर्ने कार्य नेपालमै पहिलो पटक गैंडाकोटको पुलचोकमा सुरु गरिएको र २० औं दिनसम्म पनि जारी रहेको बताउनुभयो । यसै गरी नवलपुरको पश्चिम नाका विनयी त्रिवेणीमा सुरु गरिएको संयोजक कंडेलले बताउनुभयो ।

दिनमा करीव १ हजार सवारी साधनलाई सेनीटाइजेसन गरिएको र केही पैदलयात्रीहरुले पनि फाइदा लिएको बताउनुभयो । यसलाई आगामी दिनमा पनि जारी राख्ने बताउनुभयो । सेनीटाइजेसन गर्ने कार्यले रोगलाई रोक्न सहयोग पुग्ने भएकोले यसले हामीलाई केही राहत मिलेको सवारी चालकहरुले बताएका छन् ।

सेनीटाइजेसनले रोगसँग लड्ने मनोवल बढाउन बल प्रदान गरेको पनि प्रतिक्रिया दिएका थिए । यसैबीच आजै अर्थात विहीवार गैंडाकोटको वडा नम्बर १ मा आएका एनटीसीका नौ वटा सवारी साधनलाई पूर्णतह सेनीटाइजेसन गरिएको अभियन्ता रमेश ढकालले बताउनुभयो । केही बेर गैंडाकोट २ का स्थानीयले अवरोध गरेका थिए भने सोही क्रममा सम्पूर्ण सवारी साधनलाई सेनीटाइजेसन गरी गन्तब्यमा पठाइएको २ नं का वडा अध्यक्ष धु्रवराम पौडेलले जानकारी दिनुभयो । यसैगरी गैंडाकोटका वडा नम्बर १ र २ का जुन सडकबाट सवारी साधन गन्तब्यमा गएका थिए ती सडकमा स्थानीयहरुको आग्रहमा सेनीटाइजेसन गरिएको संयोजक कंडेलले जानकारी दिनुभएको छ ।

आफूहरु स्थानीयबासीको स्वास्थ्यको विषयमा गम्भीर भएकोले उहाँहरुले आग्रह गर्नुभएको र आग्रह बमोजिम सेनीटाइजेसन गरिएको उहाँले बताउनुभयो । यसअघि लकडाउन सुरु भएदेखि नै पैदल यात्रीहरुलाई खाजा नास्ता लगायत पानीको सुविधा दिइएको थियो ।