अटो वर्कशपमा काम गर्ने कामदारको उपचारका क्रममा

खैरहनी । खैरहनी नगरपालिका वडा नं–१, साई चोकस्थित धादिङ भैरवी अटो वर्कशपमा काम गर्ने कामदारको गाडी धुने क्रममा बेहोस भई उपचारका क्रममा मृत्यु भएको छ ।

पश्चिम नवलपरासीको बर्दघाटस्थित कुकुरमारा घर भई हाल खैरहनी–१ साई चोकमा रहेको उदयनारायण श्रेष्ठले सञ्चालन गरेको धादिङ भैरवी अटो वर्कशपमा काम गर्ने २५ वर्षीय लक्षु शर्माको मृत्यु भएको हो ।

निज शर्मा वर्कशपमा गाडी धुने क्रममा अचानक बेहोस भई लड्न गएको खबर प्राप्त हुनासाथ प्रहरी टोलीले उपचारका लागि भरतपुर अस्पताल पठाइएकोमा निजको उपचारका क्रममा मृत्यु भएको प्रहरीले जनाएको छ । प्रहरीले घटनाबारे मृतकका आफन्तलाई खबर गरेको जनाएको छ ।