जाडोमा घुम्ने योजना बनाइरहनुभएको छ ? ध्यान दिनुहोस् यी कुरा

एजेन्सी । जाडोको मौसम सुरु भएसँगै कतिपयले घुम्ने योजना बनाउन थाल्छन् । यस्तो क्रममा कोही हिउँ पर्ने ठाउँमा घुम्न जान्छन् । तपाईं पनि यस्तै चिसो ठाउँमा भ्रमण गर्ने सोंचिरहनुभएको छ भने केही कुरा ध्यान दिनुहोस ।

घुम्न जानुअघि त्यो स्थानको मौसमको बारेमा सूचना लिनुहोस । जसले गर्दा तपाईं मौसम तथा समयअनुसार सही कपडा छान्न सक्नुहुन्छ । तपाईं आफ्नो झोलामा ऊनीका कपडा, बाक्सो मोजा, टोपी, पन्जा लगायत अवश्य राख्नुहोस् ।

प्रायः हामीले झोला तयार गर्दा केही सामान बिर्सने गर्छौं । त्यसैले यस्तो गल्तीबाट बच्नका लागि पहिले नै के के लग्ने कस्तो सामान लग्ने भनेर एउटा लिस्ट बनाउनुहोस् । त्यस्तै जाडोको मौसममा रुघाखोकी तथा चिसो लाग्नु सामान्य हुन्छ । त्यसैले आफ्नो झोलामा रुघाखोकी, ज्वरो, टाउको दुखाई, पखाला आदिका औषधि राख्नुहोस् ।

जाडोको मौसममा आफ्नो झोलामा गाढा रंगका जुत्ता राख्नुहोला । तपाईं हिउँ पर्ने स्थानमा गइरहनु भएको छ भने लामो तथा न्यानो जुत्ता पनि राख्नुहोस् । यसले तपाईंलाई चिसो लाग्नेछैन र हिँड्न पनि सजिलो हुनेछ ।

त्यसो त घुम्न जानुअघि होटल पहिले नै बुक गर्ने वा बुझ्नु पर्दछ । अझ जाडोको मौसममा होटल नपाउने समस्या पनि हुन सक्छ । त्यसैले समयमै होटल तथा बस्ने स्थान बुक गर्नु बुद्धिमानी हुन्छ ।