समृद्धिका लागि युवा अभियानले लम्सालको नेत्रीत्वोमा निकुञ्जका जनावरले मास्क लगायको फोटो राखेर सडक निर्माणमा दबाब

माडी, समृद्धिका लागि युवा अभियान माडीले निकुञ्जका जनावरहरुले मास्क लगाउनुपरेको प्रतिकात्मक फोटो ब्यानर टाँस गरी धुलोरहित सडक निर्माणको दबाब दिने भएको छ ।

अभियानले शनिवार दिउँसो माडी क्याम्पसको सभाहलमा सञ्चालन गरेको सुझाव संकलन बैठकबाट सोमबार बिहान ७ बजे मोटरसाइकल याली निकाली व्यानर टाँसेर दबाब कार्यक्रम तय भएको हो ।

कार्यक्रमले माडीको बिकासका लागि माडीमा निर्माणाधीन बाटो र पुलहरूका ठेक्का प्राप्त गरेका ठेकेदार कम्पनीले आउँदो शनिवार सम्म आफ्नो काम सुचारू नगरेमा सम्वन्धीत ठेकेदार लाई नियमानुसार कारवाहीका गर्नका लागि हुलाकी राजमार्ग योजना लगायत सम्वन्धीत निकायलाई अनुरोध गर्ने निर्णय गरेको छ ।
कार्यक्रममा माडीका विभिन्न क्षेत्रका व्यक्तिहरुको उल्लेखनीय उपस्थिति रहेको थियो । कार्यक्रममा बोल्ने वक्ताहरुले माडीको विकासका सबै जना पार्टीगत र व्यक्तिगत स्वार्थ भन्दा माथि उठेर अघि बढ्नु पर्नेमा जोड दिनुभएको थियो ।

आजको बैठकका महत्वपूर्ण निर्णयहरू

१, बैशाख १८ गते बिहान ७ बजे सबै जना आ-आफ्नो बाईक वा स्कुटरमा बसन्तपुर बजारमा जम्मा हुने त्यहाँ बाट र्याली बरूवा हुँदै बनकट्टाको गेटमा ब्यानर झुन्डाउने र राष्ट्रीय निकुञ्ज पारीको गेटमा अर्को ब्यानर झुन्डाउने र फर्कने
2 माडीमा निर्माणाधीन बाटो र पुलहरूका ठेक्का प्राप्तगरेका ठेकेदार कम्पनीले आउँदो शनिवार सम्म आफ्नो काम सुचारू नगरेमा सम्वन्धीत ठेकेदार लाई नियमानुसार कार्रवाई गर्न हुलाकी सडक लगायत सम्वन्धीत निकायलाई अनुरोध गर्ने।
3 माडी नगरपालिका भित्र रहेका सरकारी कार्यालयहरूमा नेपालको राष्ट्रिय झन्डा अनिवार्य गर्न नगरपालिका मार्फत सबै कार्यालयहरूलाई अनुरोध गर्ने समेत निर्णय भएको अभियन्ता लम्सालले जानकारी दिनुभयो ।