वक्तृत्वकलामा सैनिक महाविद्यालयकी मञ्जिला तिमिल्सीना प्रथम

चितवन , खैरहनीमा भएको अन्तरविद्यालय वक्तृत्वकला प्रतियोगितामा सैनिक आवासिय महाविद्यालयकी मञ्जिला तिमिल्सीना प्रथम भएकी छिन् । खैरहनी नगरपालिकाको आयोजनामा शिक्षाको गुणस्तर अभिवृद्धिमा स्थानिय तहको भूमिका विषयक वक्तृत्वकला प्रतियोगितामा तिमिल्सीना प्रथम भएकी हुन् ।

आज भएको वक्तृत्वकला प्रतियोगितामा जनएकता आधारभूत विद्यालयका हक्र्युलियन न्यौपाने द्धितिय, दिव्यज्योती आधारभूत विद्यालयकी अन्जना भुषाल तृतिय र डेजी बोर्डिङ्गकी विजा उप्रेतीले सान्त्वना स्थान हासिल गरिन् । प्रतियोगितामा प्रथम हुनेलाई नगद ३ हजार , द्धितियलाई नगद २ हजार , तृतिय हुनेलाई १ हजार ५ सय र सान्त्वना हुनेलाई १ हजार सहित मेडल , ट्रफि र प्रमाणपत्र प्रदान गरिएको खैरहनी नगरपालिकाका नगर शिक्षा अधिकारी राजु बानियाँले जानकारी दिए ।
प्रतियोगितामा खैरहनी नगरपालिकाभित्रका सामुदायिक तथा संस्थागत विद्यालयका १९ जना सहभागी रहेका थिए ।