भरतपुर , चितवन क्षेत्र नं.२ बाट जितेका रवि लामिछानको समर्थनमा भरतपुरमा आज प्रदर्शन भएको छ । राष्ट्रिय स्वतन्त्र पार्टी चितवनको अगुवाईमा भरतपुरमा मोटरसाइकल र्याली निकालिनुको साथै प्रदर्शन भएको हो ।
रवि नेपाली नागरिक नरहेको भनेर सर्वोच्चले गरेको फैसलाको भोलिपल्ट उनका समर्थकले चितवनको भरतपुरमा प्रदर्शन गरेका हुन् ।
समर्थकहरूले सर्वोच्चको फैसला त्रुटिपूर्ण रहेको जिकिर गर्दै त्यसलाई खारेज गर्न माग गरेका छन् । यसक्रममा उनीहरूले ‘सर्वोच्चको विभेदकारी फैसला खारेज गर’, ‘न्यायाधीश बिक्न पाइँदैन’लगायत नारा लगाइरहेका छन् ।
सर्वोच्च अदालतले शुक्रबार रवि लामिछानेको नागरिकताविरुद्ध परेको मुद्दामा फैसला गर्दै लामिछाने नेपाली नागरिक नरहेको ठहर सुनाएको थियो । अदालतको फैसलासँगै चार पद उपप्रधान तथा गृह, सांसद, पार्टी सभापति, पार्टी सदस्यबाट उनी पदच्यूत भएका थिए । अदालतको आदेशपछि सञ्चारकर्मीलाई संक्षिप्त प्रतिक्रिया दिँदै लामिछानेले यसको स्वागत गरे पनि समर्थकले फैसलाविरुद्ध प्रदर्शन गरेका हुन् ।
याशासी मिडिया हाउस प्रा.लि.
भरतपुर - १० चितवन ,नेपाल
ईमेल: [email protected]
कार्यालय फोन- +९७७-५६-६९५२५४, ९८४५०५५३६५
सूचना तथा प्रसारण बिभाग दर्ता नं. ३२३४-२०७८/७९
प्रतिक्रिया दिनुहोस