चितवनमा बिकाश कोइरालाको कारवाही फुकुवा गर्न माग कांग्रेस कार्यकर्ताको प्रदर्शन

भदौ, चितवन। चितवन जिल्ला का पूर्व जिल्ला सभापति विकास कोइरालाविरुद्धको कारवाही फुकुवाको माग गर्दै कांग्रेस चितवन पार्टी कार्यालयमा कोइरालाको पक्षमा नेविसंघ र तरुण तलका युवाले प्रदर्शन गरेका छन्।

नेपाल तरुण दल चितवनका अध्यक्ष राजन ताम्राकारले कारवाही फुकुवाको माग गर्दै पार्टी जिल्ला सभापति जीतनारायण श्रेष्ठलाई ध्यानाकर्षण पत्र समेत बुझाएका छन् । अनुशासनको कारवाही भएको ६ वर्षपछि स्वतः खारेज हुने पार्टीको विधानमा भएता पनि हालसम्म कारवाही फुकुवा नभएको ताम्राकारले बताए ।

चितवन कांग्रेसका जिल्ला सभापति जितनारायण श्रेष्ठले ध्यानाकर्षण पत्र बुझ्दै कारवाही फुकुवा नभएकोमा आफु पनि अचम्मित भएको प्रतिक्रिया दिएका छन् । जिल्लाले कारवाही फुकुवा गर्न केन्द्रमा पत्र पठाई सकेको भयता पनि कुनै सुनवाइ नभएको उनले बताए । जिल्ला बैठकमा फेरि कारवाही फुकुवाबारे छलफल गरिने उनको भनाइ छ ।

तत्कालीन पार्टी सभापति सुशील कोइरालाविरुद्ध चितवन क्षेत्र नम्बर ३ मा दोस्रो संविधानसभा चुनावमा विरुद्ध उनले बागी उम्मेदवारी दिएका थिए । केन्द्रीय पार्टी सभापतिविरुद्ध बागी उम्मेदवार बनेपछि २०७० कात्तिक २ गते पार्टीले उनको क्रियाशील सदस्यता समेत खारेज गरेको थियो ।

१२ औं महाधिवेशनबाट उनी जिल्ला सभापतिमा निर्वाचित भएका थिए । २०६७–०६९ सम्म चितवन कांग्रेसको नेतृत्व गरेका थिए । अहिले चितवन मा कांग्रेस को लागि त्यति ठुलो योगदान दियका विकास कोइराला को ८ वर्षसम्म पनि कारवाही फुकुवा नहुनु दुखद भएको चितवनका कांग्रेसका कार्यकर्ताले बताएका छन् ।