चितवनमा सरकारका प्रतिनिधिले नै नियमको खिल्ली उडाउदै सभा र गोस्टीमा

साउन, चितवन। जिल्ला प्रशासन कार्यालय चितवनले साउन ३२ गते राति १२ बजेसम्मका लागि निषेधाज्ञा थप गरेको छ । यसअघि साउन २४ गते राति १२ बजेसम्मलाई निषेधाज्ञा कायम भएको थियो । कार्यालयले जारी गरेको निषेधाज्ञामा अत्यावश्यक काम नपरी घर बाहिर नस्किन र अनिवार्य रुपमा मास्क र भौतिक दुरी कायम गर्न आग्रह गरेको छ । निषेधाज्ञा मा गयको हप्ताको भन्दा केहि मात्रामा कडाई गरियको छ ।

चितवनमा मन्त्री, जनप्रतिनिधि, स्थानीय सरकार र राजनितिक दलका नेताहरुबाट भने प्रशासनको आदेशको ठाडै उल्लघंन हुँदै आएको छ । उनीहरुका अगाडि निरिह देखिने प्रमुख जिल्ला अधिकारीले व्यवसायी र जनतालाई भने कडाई गर्दै आएका छन् ।

कम्युनिष्ट नेता स्वर्गीय जेपी भेटवालको शालिक अनावरण गर्न राप्ती नगरपालिका–६ भण्डारा पुगेका बागमती प्रदेशको भूमि व्यवस्था, कृषि तथा सहकारी मन्त्री दावादोर्जे लामा विना मास्क नै भिडभाडमा गएर उनले शालिक अनावरण एवम् उद्घाटन गरे। कार्यक्रममा सहभागी अन्य केहिले पनि मास्क लगाएको देखिँदैन ।

शुक्रबार सरकार गठबन्धनमा साझेदार माओवादी केन्द्रले भरतपुर महानगरमा वडा नं १ को पार्टी भेला गरी वडा कमिटी पुनर्गठनसहित पार्टी प्रवेश कार्यक्रम गरेको छ । सरोकार माओवादीले पार्टी भेला गर्नुसँग होइन ।

महानगर प्रमुख रेनु दाहाल स्वयं सहभागी भई गरिएको भेलामा न त सामाजिक दूरी कायम गरेको देखियो न त भीडभाडकै ख्याल राखेको पाइयो ।

कोरोना महामारी जिल्ला प्रशासन कार्यालय चितवनले गरेको निषेधाज्ञा सम्बन्धि आदेश दलहरुबाट गर्दै कालिका नगरपालिकामा नेकपा एमालले वडा भेला गरेको छ । युवा भेलामा सहभागी भएर फोटो खिचाउने अधिकांशले मास्क लगाएको देखिँदैन । कालिका–३ को वडा कार्यालय अगाडि फोटो खिचाइएको देखिन्छ । साइबर सेना, युथ फोर्स, युवा संघ र खेलकुद महासंघको वडा कमिटी गठन गर्न युवा भेला गरिएको हो ।