कक्षा १२ को परीक्षा समयमा नहुदा विदेश अध्यानमा जाने विद्यार्थी अन्योलमा : सांसद विमला राई

साउन, काठमाडौँ। राष्ट्रियसभा सदस्य विमला राई पौडेलले कक्षा १२ को परीक्षा स्थगित हुँदा लाखौं विद्यार्थीको भविष्य चौपट भएको बताएकी छिन् । बुधबार राष्ट्रियसभाको बैठकमा बोल्दै राईले अघिल्लो वर्ष नै हुनुपर्ने परीक्षा अहिले फेरि स्थगित हुँदा लाखौं विद्यार्थीको भविष्य चौपट भएको उल्लेख गरिन् ।

उनले भनिन् ‘कतिपय बाहिर जाने योजना बनाएर बसेका विद्यार्थी अन्योलमा परेका छन् । हुन त कोरोनाका कारण भौतिक उपस्थितिमा परीक्षा लिन नसकिने भन्ने कुरा त छ तर स्वास्थ्यका विज्ञहरु र शिक्षाका विज्ञहरु एकै ठाउँ बसेर १२ कक्षाका विद्यार्थीको परीक्षा कसरी सञ्चालन गर्न सकिन्छ कसरी मूल्याङ्कन गर्न सकिन्छ ?

यो विषयमा सरकारले प्रष्ट होमवर्क गरेर विद्यार्थीको भविष्य अन्योलमा पार्नुहुँदैन ।’ उनले बैकल्पिक माध्यमबाट भएपनि सरकारले परीक्षा सुचारु गर्नुपर्नेमा जोड दिइन् ।