चितवन बाख्राकोहब मानिने इच्छाकामनामा नै अनुदानको रकममा अनियमितताको आरोप,१५ बोकाको मूल्य पाँच लाख

साउन, चितवन। चितवनको इच्छाकामना गाउँपालिकामा संघिय कार्यक्रम अन्तरगतको बाख्रा पकेट अनुदान कार्यक्रममा अनियमितता गरिएको आरोप लागेको छ। गत आर्थिक बर्षको बाख्रा पकेट क्षेत्रकोे लागि छुट्टाइएको १५ लाख रुपैयाँ मध्य इच्छाकामनाका सिराइचुली कृषक महिला समूह र इच्छाकामना मासु उत्पादक समूहलाई ७ लाख पचास हजारको दरले छुट्टयाइएकोमा असार मसान्तसम्म काम गर्न नसकिएको कारण सिराइचुली कृषक महिला समूहलाई छुट्टयाइएको रकम फ्रीज भएको भएपनी वडानम्बर ५ मा रहेको इच्छाकामना मासु उत्पादक समूहलाई पछि काम गर्ने सर्तमा कामनै नगरी गत असार ३१ गते ७ लाख ५० हजार भुक्तानी गरिएको हो। कामनै नगरी ७ लाख ५० हजार रकम बुझेको इच्छाकामना मासु उत्पादक समुहले स्थानियलाई बितरण योग्य नदेखिने १४ वटा बोयर क्रस बोका बितरण गरेपछि पहिले भुक्तानी लिएर पछि काम गरेको रहस्य खुलेको हो। ११ वटा ठूलो र ३ वटा साना बोयर क्रस बोका प्रति बोका ठुलोलाइ ५ हजार र सानालाई ३ हजारको दरले कृषक संग लिएर बितरण गरिएको थियो।

वडाध्यक्ष मोदराज सिलवालले आफु हस्पिटलमा रहेको यस विषयमा खासै जानकारी नभएको बताउनुभयो । उहाँले भन्नुभयो,“यदि उक्त रकमले १५ वटा बोका मात्र खरिद गरिएको हो भने त्यो गलत भएको र अन्य कार्यक्रमहरु गर्न नै बाँकी रहेको हुन सक्छ ।
इच्छाकामना मासु उत्पादक समूहका हरि नेपालले रु ७ लाख ५० हजार मध्ये अन्य कार्यक्रम गर्न बाँकी रहेको बताउनुभयो । उहाँले रु ५ लाख रुपैयाँमा १५ वटा ब्याड बोका किनेको र बाँकी रहेको रकमले खोर सुधार लगायतका कार्यक्रम गर्ने बताउनुभयो ।
इच्छाकामना पशुशाखा प्रमुख दीपक पुरीले १५ बोकालाई ५ लाख महंगो भएको बताउनुभयो । उक्त समूहले आफुहरुसंग कुनै समन्वय नगरि बोका किनेको बताउनुभयो । उहाँले भन्नुभयो, प्राविधिक मूल्याङ्ककन गरि कती मुल्यमा किन्ने पशुशाखासंग समन्वय गर्न पथ्र्यो तर हामीलाई थाहा नदिइकन बोका किनेछन्, उहाँले यो महगो भयो भन्दा बिल हेर्न पर्छ भन्नुभएको छ कतीमा किनेको हो भेटेर सबै सोझपुछ गर्नु छ ,१५ वटा बोकालाई ५ लाख मुल्य परेको हो भने यो मंहगो हो ।”@इच्छाकामना एफ.एम