ओलीको कार्यकर्ता भर्ती केन्द्र सुकुम्बासी आयोग खारेज गरेका हौं, त्यसमा रुनु कराउनु बेकार छ : गगन थापा

साउन, चितवन। नेपाली कांग्रेसका युवा नेता गगनकुमार थापाले आफु स्वास्थ्यमन्त्री बन्न तयार रहेको बताएका छन् । अहिले अप्ठेरो बेलामा बनेको सरकारले जनचाहना अनुसार काम गर्नुपर्ने भएकाले आफुले प्रधानमन्त्रीलाई आफुलाई स्वास्थ्यमन्त्री बनाउन को लागि कुनै दवाव भने नदिएको बताएका छन् ।

चितवनमा पत्रकारसंग कुरा गर्दै प्रधानमन्त्री शेरबहादुर देउवाले चाहेको खण्डमा आफू स्वास्थ्यमन्त्री बन्न तयार रहेको बताएका छन् ।

उनले मुलुक कोभिडको समस्यामा परेको भएपनि सरकारले स्वास्थ्यमन्त्री नियुक्त गर्न नसकेकोमा भने दुख ब्यक्त गरेका छन् । १२, १५ महिनाको अवधिमा धेरै काम गर्नुपर्ने भएकाले प्रधानमन्त्रीलाई स्वतन्त्र भएर काम गर्न दिनुपर्ने उनको भनाई छ ।

उनलाई स्वास्थ्यमन्त्री बन्ने चाहना छ की छैन ? भनेर सोधिएको प्रश्नमा नेता थापाले भने, संसदमै बस भने पनि ठीक छ, सरकारमा आएर काम गर भने बकाइदाले काम गरिनेछ ।

उनले अहिले गठबन्धनको सरकार भएकाले मन्त्री बन्न आफूले कुनै दबाब नदिएको बताए । गठबन्धनको घटक माधव नेपाल समूहको सरकारमा सहभागता टुंगो नलागेकाले मन्त्रिपरिषद् विस्तारमा ढिला भएको थापाको भनाइ छ ।

भूमि सम्बन्धी समस्या समाधान आयोगमा ओली सरकारले कार्यकर्ता भर्ती गरेकाले खारेज गरिएको गगनको तर्क छ ।

‘संसदमा छलफल नगरी आयोगमा कार्यकर्ता भर्ती गरे, त्यसैले रुने कराउने काम बेकारको हो’, उनले भने, ‘सुकुम्बासी समस्या हाम्रो पनि हो, जति छिटो यो समस्या हल गर्नुपर्छ ।’