चितवन कांग्रेस: सभापति पदका धेरै प्रतिस्पर्धि बीच संस्थापन पक्ष आफ्नो जित सुनिश्चित रहेकोमा ढुक्क

साउन, चितवन । नेपाली कांग्रेस महाधिवेशनको सरगर्मी बढे सँगै १४ औ महाधिवेशनमा बिगतमा झैँ कांग्रेस भित्र दुई खेमाको बिचमा नै प्रतिष्पर्धा हुने सम्भाबना देखिएको छ। चितवनमा कांग्रेस महाधिवेशनका अघिल्ला प्रतिस्पर्धा हेर्ने हो भने पनि संस्थापन र संस्थापन इतर पक्षको भीडन्त हुँदै आएको छ ।

यसपटक पनि कांग्रेस भित्र संस्थापन र इतर पक्षबीच भीडन्त निश्चित छ । जिल्लागत आकांक्षी र प्रतिस्पर्धा हेर्ने हो भने पनि कांग्रेस संस्थापन इतर पक्षको जिल्लामा हालिमुहाली रहेको छ । संस्थापन इतर पक्षको सभापति को दाबेदार छ जना देखियका छन् भने संस्थापन पक्षको अहिले सम्म एक जना मात्र देखियका छन् । चितवन मा कांग्रेसका सबैभन्दा बढी क्रियाशील सदस्यता दर्ता भएको आसन्न १४ औं महाधिवेशनमा पनि संस्थापन इतर अर्थात् रामचन्द्र पौडेलकै प्यानलको बलियो पकड छ ।

यसपालि चितवनबाट सबैभन्दा धेरै ३४ हजार क्रियाशील सदस्य सूचीकृत भएका छन्। चितवनमा यसपटक राजेश्वर खनाल बिजय भुषल, सूर्यकान्त घिमिरे,उत्तम जोशी,कैलाश कोइरालाले संस्थापन इतरपक्ष बाट उम्मेदवारी दिने तयारीमा जुटेका छन् । सभापति शेरबहादुर देउवा पक्षबाट भने प्रदेश सभा सदस्य मिलनबाबु श्रेष्ठले मात्रै सभापति पदमा दावी गरेका छन् । संस्थापन इतरले सर्वसम्मत उमेद्धवार बनाए वरिष्ठ अधिवक्ता जगन्नाथ पौडेल सभापति बन्ने लाइनमा छन् भने चितवन तरुण दलको भूपू अध्यक्ष समेत रहेका राजेश्वर खनालले संस्थापनइतर समूहलाई एक बनाएर सभापति आफ्नो पोल्टोमा पर्ने गरि केन्द्रिय नेताहरुसंग छलफल गरिरहेका छन् । बरिष्ठ नेता रामचन्द्र पौडेल महामन्त्री डा शशाँक कोइराला, पुर्वमहामन्त्री प्रकाशमान सिह ,नेता डा शेखर कोइराला र पुर्व महामन्त्री कृष्णप्रसाद सिटौलाको प्रभाव रहेको चितवनमा सबैभन्दा बलियो पकड पौडेल कै रहेको छ । केन्द्रिय सभापति पदका लागि सबै शिर्ष नेताको दावी भएका कारण जिल्लामा आफ्नो पक्षका लाई जिल्ला सभापति बनाउने प्रयासमा नेताहरु जुटेका छन् ।

संस्थापन इतर पक्ष एक भएको खण्डमा पौडेल कोइराला सिटौला समुहले सजिलै नतिजा आफ्नो पक्षमा पार्ने देखिएको छ । संस्थापन इतरले साझा उमेरद्वार उठाउन सकेको खण्डमा चितवनमा संस्थापन इतर पक्षको महाधिबेशन प्रतिनिधिमा समेत गरि पचासी प्रतिशत जित्ने दावी गरेका छन्। संस्थापन इतरपक्षले साझा उमेरद्वार उठाउन सकेको खण्डमा चितवनमा संस्थापन इतरले सभापतिमा जित्ने निश्चित रहेको चितवनका कार्यकर्ता बताउछन् ।तर बिगतको अनुभब र संस्थापन इतर पक्षको सभापतिको दाबेदार धेरै देखियका कारण तेसो हुने सम्भाबना निकै कम देखिने कुरामा संस्थापन पक्ष ढुक्क छ । सभापति शेरबहादुर देउवा पक्षबाट मिलनबाबु श्रेष्ठ आफु मात्रै सभापति पदमा दाबेदार रहेकोले आफ्नो जित सुनिश्चित रहेकोमा ढुक्क छन् ।