चितवन कांग्रेसद्वारा सर्वाेच्चको फैसला स्वागत योग्य भन्दै विज्ञप्ती जारी ।

असार, चितवन, भरतपुर । सर्वाेच्च अदालतले प्रधानमन्त्री को आदेशमा राष्ट्रपति भण्डारीले गरेको प्रतिनिधि सभा विघटनलाई बदर गरेर संसद पुर्नस्थापना गरी कांग्रेस सभापती शेरबहादुर देउवालाई प्रधानमन्त्री नियुक्त गर्न गरेको परमादेश ।नेपाली कांग्रेस चितवनले स्वागत योग्य रहेको बताएको छ ।

नेपाली कांग्रेस चितवनका सभापती जीतनारायण श्रेष्ठले आज सोमबार एक विज्ञप्तीनै जारी गरेर सर्वाेच्च अदालतले संसद पुर्नस्थापना गरी कांग्रेसका सभापती शेरबहादुर देउवालाई प्रधानमन्त्री नियुक्त गर्न गरेको परमादेश स्वागत योग्य रहेको बताएका छन् ।

सर्वाेच्चको फैसलाबाट प्रधानमन्त्री बन्न लागेका कांग्रेसका सभापती देउवालाई उनले बधाई समेत दिएका छन् । कांग्रेस सभापती एवम् संसदीय दलका नेता देउवालाई उनले बधाई दिँदै सफल कार्यकालको शुभकामना समेत दिएका छन् ।