भर्खरै दुईतर्फी खुल्यो नारायणगढ– मुग्लिन सडक

असार, चितवन । नारायणगढ – मुग्लिन सडकखण्ड दुईतर्फी सञ्चालनमा आएको छ । भरतपुर महानगरपालिका–२९ सेतीदोभानमा खसेको पहिरो पन्छाएसँगै सडक दुईतर्फी सञ्चालनमा आएको हो । रातीको समयमा थप क्षति हुनबाट रोक्न सवारी आवगमन रोक लगाएकोमा पहिरो पन्छाएर विहान ५ : ३० बजेबाट एकतर्फी बाटो सुचारु गरिएको थियो । विहान ११ : १५ बाट भने जेसीबी प्रयोग गरि पहिरो पञ्छाई दुईतर्फी सडक सञ्चालनमा ल्याएको जिल्ला प्रहरी कार्यालय चितवनले जनाएको छ । सो स्थानमा वर्षा शुरु भएसँगै पटक–पटक पहिरो खसेर सडक अवरुद्ध हुँदै आएको छ । एक साताभन्दा बढी समयदेखि सो ठाउँमा पटक–पटक पहिरो खसेर दुःख दिइरहेको छ ।