चितवनमा पहिलो ब्युटिसियन ट्यालेन्ट अडिसन सुरु, दोस्रो अडिसन छिट्टै हुने ।

फाल्गुन चितवन। चितवनमा पहिलो पटक आयोजना गरिएको ब्युटिसियनहरुको लागि ब्युटिसियन ट्यालेन्ट (२०२१ को पहिलो अडिसन भरतपुरमा सम्पन्न भएको छ ।
भरतपुर स्थित द बर्गर हाउसमा शनिबार २०२१ को पहिलो अडिसन सम्पन्न भएको हो ।

सौन्दर्य पेशामा आबद्द तथा ब्युटीपार्लर सिकीरहनु भएकाहरुको आत्मबल बढाउन तथा आत्मा सम्मानका लागि चितवन मै पहिलो पटक ब्युटिसियन ट्यालेन्ट चितवन आयोजना गरिएको क्रियटिभ इन्साइड मिडिया प्रालिकि सरिता आचार्यले जानकारी दिनुभयो ।

पहिलो अडिसनमा छनोट भएका सबैलाइ बधाई दिदै आचार्यले आगामी दिनमा विभिन्न स्थानमा पुन अडिसन गरिने बताउदै इच्छुक ब्युटीसियन पेशामा रहनु भएका वा सिकीरहनु भएकाहरुले सम्पर्क गर्न सक्ने बताउनुभयो । अहिलेको अडिसनमा छुट्नु भएकाहरुले पुन अब हुने अडिसनमा भाग लिन सक्ने बताउदै उहाले यस प्रतियोगितामा भाग लिन चाहनेले फारम भर्नुपर्ने बताउनुभयो ।

चितवनमै पहिलो पटक पृथक तरिकाको कार्यक्रम आयोजना गरिएको बताउदै आयोजक संस्थाले चितवन भित्र ब्युटिसियन पेशामा आबद्द तथा सिक्दै गर्नुभएकाहरुले भाग लिन सक्ने बताएको छ । चितवन व्यूटि पार्लरकि संस्थापक अध्यक्ष योगिता पिया, फेमिना व्यूटि पार्लरकी संञ्चालिका पिङ्की लामा श्रेष्ठ, चितवन व्यूटि पार्लर यूनिटिकी सचिव सावित्रि रेग्मी, रोज व्यूटी पार्लरकी दीपा केसि तथा मोडल रीचा श्रेष्ठले प्रशिक्षण दिनुभएको थियो ।

उनिहरुबाट प्रतियोगीहरुले ब्युटीसियन सम्बन्धि सेल्फ मेकअप, ब्राईडल मेकअप, इफेक्ट मेकअप, वाटर मार्वल नेल आर्ट, रसियन हेयर स्टाईल, हेयर केमिकल, आईल्यासिस एक्टेन्सन, पर्सनालिटी डेभ्लोप्मेन्ट, मिडिया प्रिजेन्टेसन, रुमिङ जस्ता विभिन्न प्रशिक्षण दिइने भएको छ ।

विभिन्न विधामा प्रतिस्पर्धीलाइ प्रतिष्पर्धा गराइने बताउदै आयोजक संस्थाले विजेतालाई नगद पुरस्कार सहित आकर्षक उपहारका साथै भ्रमणको समेत ब्यवस्था गरिएको बताएको छ । पहिलो अडिसन चितवन, नवलपरासि र गोर्खाबाट १३ प्रतियोगिहरुले भाग लिएका थिए ।