अब कोरोना परीक्षणको नतिजा तपाईंकै मोबाइलमा

भदौ, भरतपुर । कोरोना परीक्षणका लागि स्वाब दिनुभयो ? धैर्य गर्नुस्, तपाईंको परीक्षणको नतिजा अब तपाईंकै मोबाइलमा आउँछ । मोबाइल सन्देश (एसएमएस)मार्फत तपाईंकै हातमै रिपोर्ट आउँछ । अब रिपोर्ट बुझ्न ठाउँठाउँमा फोन गरिरहन परेन ।
भरतपुर अस्पतालको कोभिड–१९ प्रयोगशालाको रिपोर्ट एसएमएसको माध्यमबाट सम्बन्धित व्यक्तिको मोबाइलमा आज शनिबारबाट स्वाब दिने हरेक व्यक्तिले मोबाइलमै रिपोर्ट पाउनेछन् । ‘मोबाइलमा युजर आइडी र पासवर्ड पनि दिइन्छ, जसले गर्दा सम्बन्धित व्यक्तिले जुनसुकै अवस्थामा आफ्नो अनुकूलमा रिपोर्ट प्रिन्ट गर्न सक्छ ।
हाल सम्म अस्पतालले आफ्नो फेसबुक पेजमार्फत रिपोर्ट एकमुष्ट सार्वजनिक गर्ने गरेको छ । प्रविधिको प्रयोग गरी कतिपय गोपनीयताको विषयलाई पनि सम्बोधन गर्न खोजिएको अस्पताल प्रशासनले जनाएको छ ।