चितवनमा निषेधाज्ञाको अन्तिमदिन ७४ मा संक्रमण पुष्टि, अब के गर्ला प्रशासनले ?

भदौ चितवन । चितवनमा एकै दिन ७४ जना काेराेना संक्रमित फेला परेका छन् । बिहिबार भरतपुर अस्पताल कोभिड–१९ प्रयोगशाला र चितवन मेडिकल कलेज कोभिड ल्याबमा गरिएको परीक्षणमा चितवनका मात्रै ७४ जनामा कोरोना संक्रमण पुष्टि भएको हाे ।

चितवन जिल्ला प्रशासनले जारी गरेकाे निषेधाज्ञा हटाउन निजी क्षेत्रले आग्रह गरेकाे बेला यति धेरै संक्रमित फेला परेका हुन् । कोरोना संक्रमण पुष्टि मध्ये सबैभन्दा बढी भरतपुर महानगरपालिका का मात्रै ५६ जना रहेका छन् । यस्तैगरी राप्ती नगरपालिकाका ९, खैरहनी नगरपालिकाका ४, कालिका नगरपालिकाका २, रत्ननगर नगरपालिकाका ३ जना जनामा संक्रमण पुष्टि भएको छ ।

जिल्ला प्रशासन कार्यालयले जारी गरेको निषेधाज्ञाको आज सकिदै छ । अब प्रशासनले निषेधाज्ञालाई जारी राख्ने या हटाउने भन्ने मा अन्याेलता बढेकाे छ ।