कर्मचारी र सर्वसाधारण बैंक हिँडेर जान पाउने, सबारी प्रयोग गर्न नपाइने : प्रजिअ

भदौ, चितवन । जिल्ला प्रशासन कार्यालय चितवनले पुन निषेधाज्ञा भदौ १९ गते राति १२ बजेसम्मको लागि जारी गरेको र तेस्रो चरणको निषेधाज्ञामा बैंक तथा वित्तिय संस्थाहरु दिनको तीन घण्टा मात्रै खुल्न पाउने भएका छन् ।

तेस्रो चरणको निषेधाज्ञा अवधीमा मनि ट्रान्सफर र सहकारी सहितका बैंक तथा वित्तिय संस्थाहरु बिहान १० बजेदेखि दिउँसो १ बजेसम्म सञ्चालन गर्न पाइने भयको छ । प्रमुख जिल्ला अधिकारी भट्टराईद्धारा शुक्रबार जारी गरिएको सूचनामा अत्यावश्यक काम नपरी घरबाहिर ननिस्कन र अत्यावश्यक खाद्य सामग्री किन्नुपरेमा नजिकको पसलमा हिँडेर जान भनिएको छ ।

सबारी साधन सबै बन्द हुने तर बैंक खुल्ने भएपछि सर्वसाधारणले पैसा झिक्न वा राख्न बैंकसम्म जानु पर्ने होला कसरी जाने त भनेर प्रशासनलाई सोधेको प्रश्नमा । यसबारे जारी गरिएको सूचनामा केहि उल्लेख नगरिएको भएपनि सहायक प्रमुख जिल्ला अधिकारी नेत्र प्रसाद शर्माले भने बैंकसम्म पुग्न बैंकका कर्मचारी तथा सर्वसाधारणहरु हिँडेर जान सक्ने बताए । ‘सूचनामा उल्लेख नगर्नुको अर्थ कर्मचारी र सर्वसाधारण पैदल जान पाउने हो’, उनले भने, ‘नजिकको बैंकमा जान प¥यो । पैसा झिक्न जानेले चेक देखाउन प¥यो भने पैसा राख्न जानेले पैसा देखाउन प¥यो ।’

कर्मचारीहरु पनि परिचय पत्र देखाएर पैदल हिँडेर बैंक तथा वित्तिय संस्था जान पाउने उनले बताए । बैक तथा वित्तिय संस्थाले ५० प्रतिशत कर्मचारी मात्रै उपस्थित भएर सेवा दिन सूचनामा भनिएको छ । त्यसरी जाँदा कर्मचारी र सर्वसाधारणले सुरक्षाकर्मीहरुबाट दुःख नपाउने उनले दाबी गरे । संक्रमण नियन्त्रणका लागि सबै लाई सचेत हुन उनले आग्रह गरे ।