चितवनमा आज कोरोनाका कारण २ जनाको ज्यान गयो।

भदौ, भरतपुर । चितवनमा आज कोरोना संक्रमणका कारण २ जनाको ज्यान गएको छ । चितवन मेडिकल कलेज (सिएमसी) मा ७१ वर्षिय महिला र पुष्पाञ्जली हस्पिटलमा ५१ वर्षीय पुरुष को ज्यान गएको हो ।
भरतपुर–२ क्षेत्रपुरका ती ५१ वर्षीय पुरुष स्वासप्रश्वासमा समस्या आएपछि पुष्पाञ्जलीमा भर्ना भएकोमा ८ गते उनिमा कोरोन संक्रमण पुष्टी भएको थियो । अस्पतालका कोभिड–१९ फोकल पर्सन डा. सन्दिप पाण्डेले संक्रमित ती व्यक्तिको आज (शुक्रबार) विहान १० बजे निधन भएको बताउनुभयो ।

यसैगरी हेटौडाका एक जना ७१ वर्षिय महिला को कोरोना संक्रिमतको ज्यान गएको छ । चितवन मेडिकल कलेज (सिएमसी) मा उपचाररत हेटौडा–१९ मकवानपुरका ७१ वषिर्य महिलाको आज (शुक्रबार) विहान ज्यान गएको हो । विहान ६ बजेर ५० मिनेट जादा उनको ज्यान गएको हो । अस्पतालका निर्देशक डा. दयाराम लम्सालले श्वासप्रश्वासको समस्य भई जटिल अवस्थामा इरजेन्सी विभागमा उपचारका लागि ७ गते विहान आएको बताउनुभयो । मृतक दम र निमोनियाको समेत बिरामी थिइन् ।
चितवनमा शुक्रबार विहानसम्म ८ जनाको मृत्यु भएकोमा चितवनका ४ जना छन् भने मकवानपुरका ३ र कैलालीका १ जनाको ज्यान गएको थियो ।