आज चितवनमा एकै दिन ५२ जना संक्रमित भेटिए

भाद्र, चितवन । चितवनमा एकै दिन बिभिन्न स्थानका ५२ जना कोरोना संक्रमित फेला परेका छन् । बुधबार भरतपुर अस्पताल कोभिड–१९ प्रयोगशालामा र चितवन मेडिकल कलेज को ल्याबमा गरिएको परिक्षणमा ५२ जना संक्रमित फेला परेका हुन ।

भरतपुर अस्पताल कोभिड–१९ प्रयोगशालामा २६ र चितवन मेडिकल कलेजको कोभिड ल्याब २६ गरि ५२ जना संक्रमित फेला परेका हुन । भरतपुर अस्पताल कोभिड–१९ प्रयोगशालामा गरिएको परीक्षणमा चितवनका २५ र तनहुँ देवघाटका एक जनामा संक्रमण पुष्टि भएको प्रमुख डा.नितु अधिकारीले जानकारी दिनुभयो ।

यसैगरि संक्रमित हुनेमा हुनेहरुमा रत्ननगर नगरपालिकाका १४ जना, भरतपुरका २ जना, माडिका ९ जना र तनहुको देबघाटका १ जना रहेका छन् ।

चितवन मेडिकल कलेजको कोभिड ल्याबमा गरिएको परिक्षणमा  भरतपुर महानगरका १६ जनामा संक्रमण पुष्टि भएको छ। रत्ननगरका ४, नवलपुरका ३, तनहुँका १ र सर्लाहीका २ जनामा कोरोना भाइरसको संक्रमण देखिएको हो।