मंगलबार राति ३६ संक्रमित थपिएसगै महानगर भित्र मात्रै संक्रमित को सङ्ख्या २८३ पुग्यो ।

भदौ, चितवन । भरतपुर मंगलबार राति भरतपुर अस्पताल कोभिड १९ प्रयोगशाला बाट सार्वजनिक भएको नतिजाअनुसार भरतपुरका ३६ सहित चितवनको ४० जनामा थप संक्रमण पुष्टि भएको हो। यो सँगै चितवनमा संक्रमितको संख्या ४४० पुगेको छ।

मंगलबार राति मात्र ३६ जना थपिएपछि भरपुर महानगरपालिकाभित्र मात्रै २८३ जनामा कोरोना संक्रमण पुष्टि भएको छ। कुल २१८ वटा नमुना परीक्षण हुँदा भरतपुर महानगरपालिकाको वडा नं १, २, ४, ५, ७, ९, १०, ११, १२, १५ र १६ का ५ वर्ष देखि ५४ वर्ष उमेर समूहका १६ जना पुरुष र २० जना महिला गरी ३६ जनामा संक्रमण पुष्टि भएको हो।

यो सगै रत्ननगरको वडा नं। १, ६ र १३ का २४ वर्ष देखि ७१ वर्ष उमेर समूहका दुई महिला र एक पुरुष तथा खैरहनी १ का २६ वर्षका एक पुरुषमा कोरोना संक्रमण पुष्टि भएको प्रयोगशाला प्रमुख डा नीतु अधिकारीले जानकारी दिइन्। यस्तै धनुषा, रुपन्देही, तनहुँ र नवलपुरका एकरएकजनामा पनि कारोना संक्रमण पुष्टि भएको छ।