‘इनफ् इज इनफ्’ अभियन्ता ईशान दोश्रो पटक अनसनमा

साउन, काठमाडौँ । ‘इनफ् इज इनफ्’ अभियन्ता ईशान (ई:) १६ दिनदेखि राजधानीको बसन्तुपरमा अनसनमा बसेका छन्।सरकारले अझैसम्म वार्ताका लागि भने पहल गरेको छैन। ई: को स्वास्थ्य अवस्था कमजोर बन्दै जान थालेको छ।

क्वारेन्टिन व्यवस्थापन गर्नुपर्ने, पीसीआर परीक्षणको दायरा बढाउनुपर्ने लगायतका माग राख्दै १६ दिनदेखि अनसनमा बसेका छन् । सामान्य तर जनताका अति आवश्यक मागहरु राखेर अनसनरत युवाका मागप्रति सरकारले बेवास्ता गर्नु देश र जनताको लागि बिडम्बना हो ।

सरकारले कोभिड–१९ को संक्रमण व्यवस्थापनमा ध्यान दिनुपर्ने, परीक्षणको दायरा फराकिलो पार्नुपर्ने तथा आरडिटी परीक्षण रोक्नुपर्ने जस्ता माग राख्दै उनी अनसनमा बसेका हुन्।

यसअघि राजधानीकै ललितपुरमा यहि माग लिएर ई: १२ दिन अनसनमा बसेका थिए। त्यतिबेला सरकारले उनको माग पूरा गर्ने भन्दै सम्झौता गरेको थियो। तर माग पूरा नगरेपछि उनी कोभिड–१९ कै व्यवस्थापनको माग गर्दै दोश्रो पटक अनसनमा बसेका हुन्।