चितवनमा काेभिड-१९ सम्बन्धि बृहत् सचेतना कार्यक्रम सञ्चालन

साउन, चितवन । लकडाउन खुलेसंगै बढ्न सक्ने काेराेना संक्रमणकाे जाेखिमलाई मध्यनजर गरेर आम नागरिकलाई सचेत गराउने उदेश्यले जिल्ला प्रहरी कार्यालय र जिल्ला ट्राफिक प्रहरी कार्यालयकाे आयाेजना तथा लायन्स क्लब इन्टरनेशनल डिस्ट्रिक्ट ३२५ बि २ काे सहकार्यमा सामुदायिक प्रहरी सेवा केन्द्र नारायणगढ, राेटरी क्लब अफ नारायणी मिड टाउन, वडा नं ३ का आमा समूहका सदस्यहरूकाे सहभागितामा भरतपुरकाे चाैबिसकाेठीमा आज बिहान ८:०० बजेदेखि १०:०० बजेसम्म पैदल यात्री, सार्वजनिक सवारीका चालक, सहचालक र यात्रुहरुलाई काेभिड-१९ काे संक्रमणबाट बच्न अनिवार्य रुपमा मास्क, सेनिटाइजरकाे प्रयाेग गर्ने,सवारीसाधन चढ्दा आवश्यक सतर्कता अपनाउने,सामाजिक दूरी कायम गर्ने र भाेलि देखि संक्रमणकाे जाेखिम हुने गरी मास्क नलगाई जथाभावी हिंडडुल गर्ने,सवारीमा यात्रा गर्ने मानिसहरुलाई संक्रामक राेग नियन्त्रण ऐन २०२० बमाजिम भेटिएकै स्थानमा तत्काल जरिवाना गरिने लगायतका बिषयहरुमा सचेत गराई करिब १००० थान मास्क र १०० थान सेनिटाइजर समेत वितरण गरि सचेतनामुलक कार्यक्रम सञ्चालन गरिएकाे छ।

उक्त कार्यक्रममा प्रमुख जिल्ला अधिकारी नारायण प्रसाद भट्टराई ज्यु, प्रहरी उपरीक्षक नान्तीराज गुरुङ ज्यु, प्रहरी नायव उपरीक्षक सूर्य बहादुर थापा ज्यु, लायन्स क्लब इन्टरनेशनल ३२५ बी२ का डिस्ट्रिक्ट फस्ट भाइस गभर्नर रामप्रसाद भट्ट ज्यु, सामुदायिक सेवा केन्द्र नारायणगढकी अध्यक्ष मीना खरेल ज्यु, जिल्ला ट्राफिक प्रहरी कार्यालयका प्रहरी निरीक्षक दयाकृष्ण भट्ट, वडा प्रहरी कार्यालयका प्रहरी निरीक्षक रबिनबाबु रेग्मी लगायत प्रहरी अधिकृतहरू, राेटरी क्लब अफ नारायणी मिड टाउनका पदाधिकारीहरु लगायतकाे उपस्थिति रहेकाे थियाे।@जिल्ला ट्राफिक प्रहरी फेसबुक