मेयर रेनुसहितको टोली कुसुमखोला स्थलगत अवलोकन, अध्यक्ष प्रचण्डको निर्देशन वमोजिम माडी नगरले आवास दिने प्रतिवद्धता    

साउन,चितवन । चितवन निकुञ्जको आगलागीबाट विस्थापित बनेका माडीको कुसुमखोलास्थित चेपाङबस्तीको भरतपुर महानगरपालिकाकी मेयर रेनु दाहालले स्थलगत अवलोकन तथा निरीक्षण गरेकी छिन् ।

माडी नगर प्रमुख ठाकुर ढकालसहित मानवअधिकारवादी संस्थाको टोलीसहित स्थलगत अवलोकन गर्न मेयर रेनुसहितको टोली आज कुसुमखोलास्थित चेपाङबस्ती पुगेको हो ।
सो अवसरमा मेयर रेनुले एक महिना भित्र विस्थापित बनेका चेपाङको सुरक्षित ठाउमा सुरक्षित आवास निर्माणको लागि नेकपा पार्टी अध्यक्ष प्रचण्डको निर्देशन वमोजिम माडी नगरले आवास दिने प्रतिवद्धता जनाईन् ।

उनले भनिन् माडी नगरपालिका कुसुमखोला स्थितअल्पसंख्यक सिमान्तकृत चेपांग समुदायको घरहरू केही दिन अगाडी निकुन्ज प्रशासनले उक्तस्थानबाट जबरजस्ती हटाउन बलप्रयोग गरि गरिएको अमानवीय कार्य प्रति दु:ख व्यक्त गर्दछु।

मेयर रेनुले छिटो भन्दा छिटो मन्त्रालयले गठन गरेको छानविन समितिले सत्य तथ्य छानबिन गर्न माग पनि गरिन् । चितव निकुञ्ज प्रशासनले साउन ३ गते कुसुमखोलाको चेपाङबस्तीका २ वटा घरमा आगजनी गरेको थियो भने अन्य ८ वटा घर हात्ती लगाएर भत्काइदिएको थियो ।