
जेठ, चितवन । आज बिहिबार विहान करिब ७ बजेको समयमा नारायणगढबाट धादिङ्ग तर्फ आउँदै गरेको ना ५ ख ९१२२ नम्बरको मालबाहक ट्रक र काठमाण्डौ बाट विरगञ्ज फर्कदैँ गरेको ना ८ ख १५५२ नम्बरको टेलर एक आपसमा ठोक्किदा एक जना चालक घाइते भएको इलाका प्रहरी कार्यालय मुग्लिनका प्रमुख प्रहरी निरिक्षक कञ्चन तामाङले जानकारी दिनुभयो । घाइतेको मुग्लिन हाइवे हस्पिटलमा उपचार भइरहेको छ । दुर्घटनाका कारण नारायणगढ –मुग्लिन सडक पुर्ण रुपमा अवरुद्ध भएको छ । सामान लोड भएको ट्रकको अगाडीको भाग पुलमा झुण्डिएको अवस्थामा रहेकोले निकाल्नको लागि चितवनबाट क्रेन मगाइएको उहाँले जानकारी दिनुभयो । नारायणगढ– मुग्लिन सडक खण्ड अन्तरगत चितवनको इच्छाकामना ६ स्थित तुइन खोला पुलमा दुई सवारी साधन एक आपसमा ठोक्किएर दुर्घटना भएको हो।
याशासी मिडिया हाउस प्रा.लि.
भरतपुर - १० चितवन ,नेपाल
ईमेल: [email protected]
कार्यालय फोन- +९७७-५६-६९५२५४, ९८४५०५५३६५
सूचना तथा प्रसारण बिभाग दर्ता नं. ३२३४-२०७८/७९
प्रतिक्रिया दिनुहोस