अत्यावश्यक बाहेकका जथाभावि नखोल्न चितवन जिल्ला प्रशासनको आग्रह

जेठ, चितवन। जिल्ला प्रशासन कार्यालय चितवनले लकडाउनको पुर्ण रुपमा पालन गर्न सर्वसाधरणलाई आह्वान गरेको छ । कोभिड–१९को संक्रमण बढ्दै गएको समयमा अत्यावश्यक सेवा बाहेकका अन्य सेवाहरु सञ्चालन भएको भन्दै लकडाउन पुर्ण रुपमा पालन गर्न आह्वान गरेको हो । जिल्ला प्रशासन कार्यालयले आज (बिहिबार) एक विज्ञप्ती जारी गर्दै जथाभाबी सवारी साधन चलाउने र घर बाहिर ननिस्कन आग्रह गरेको छ ।

“अहिले कोभिड–१९को संक्रमणको जोखिम बढ्दै गएको छ । तर, अत्यावश्यक बाहेकका कपडा, स्टेशनरी खाजाघर लगायतका पसलहरु खोल्ने र  जथाभावि सवारी साधन सञ्चानल गर्ने, बैक तथा वित्तिय संस्था र विद्युतको बिल बुझाउने लगायतका ठाऊँमा स्वास्थ्य सम्वन्धी पुर्वसावधानी नअपनाई भिड लाग्ने जस्ता कार्य गरि बन्दाबन्दीको उलङ्घन गरिएको छ ।”–प्रसाशनले सार्वजनिक गरेको सुचनामा उल्लेख गरिएको छ ।

सुचनाको अवज्ञा गर्ने व्यक्तिलाई संक्रमण रोग ऐन २०२० तथा स्थानीय प्रशासन ऐन २०२८ बमोजिम कारबाही गर्ने प्रशासनले चेतावनी दिएको छ । औषधि पसल, ग्यास डिपोहरु, पेट्रोलपम्प, खाद्यन्न तथा खानेपानी, पशुपक्षिको दाना बिक्रि गर्ने पसल, ठेलागाडा तथा तरकारी बेच्ने पसलहरु विहान १० देखि बेलुकी ४ बजेसम्म सञ्चालन गर्न पाईनेछ । यस्तै, बैंक तथा वित्तिय संस्था, स्वास्थ्य लगायतका अत्यावश्यक सेवाहरु सञ्चालन गर्न प्रशासनले निर्देशन दिएको छ ।

नजिकैको बंैक तथा वित्तिय संस्थाबाट सेवा लिन सेवाग्राहीलाई अनुरोध गरिएको छ । स्वास्थ्यकर्मी, बैंक तथा वित्तियसंस्था र विद्युत प्राधिकरणका कर्मचारीलाई डिउटी समयमा मात्र बाहिर निस्कन आग्रह गरेको छ ।