भरतपुर अस्पतालमा मृत्यु भएका रामग्रामका, कोरानाका कारण मृत्यु नभएको पुष्टि

जेठ, चितवन । भरतपुर अस्पतालमा मृत्यु भएका रामग्राम पाँचका ४८ वर्षिय पुरुषको कोरानाका कारण मृत्यु नभएको पुष्टि भएको छ । कोराना संग मिल्दोजुल्दो लक्षण देखिएपछि स्वाब संकलन गरि पिसिआर परिक्षण गरिएकोमा रिपोर्ट नेगेटिभ आएको भरतपुर अस्पतालका अस्पताल विकास समितिका अध्यक्ष डाक्टर भोजराज अधिकारीले रेडियो परासीलाई जानकारी दिनुभयो ।

गएराति १२ बजे बुटवलको लुम्बिनी सिटि अस्पताल बाट रिफर गरिएका बिरामिको आज बिहान साढे तिन बजेतिर मुत्यु भएको थियो । विरामिमा निमोनियाको समस्या देखिएका कारण कोरोना परिक्षण गरिएको डाक्टर अधिकारीले बताउनुभयो । कोरोना परिक्षण नहुदा सम्म शव भरतपुर अस्पतालकै आईसियुमा राखिएकोमा अब रिपोर्ट आएपछि भने परिवारको जिम्मा लगाईने छ ।