चितवनमा ४५ जनाको टेस्ट गरेकोमा सबैको कोरोना नेगेटिभ

जेठ, चितवन । चितवनमा आईतबार परिक्षण गरिएका ४५ जनाको कोरोना रिर्पोट नेगेटिभ आएको छ । चितवनका विभिन्न अस्पतालहरुबाट संकलन गरिएको नमुना परीक्षण गर्दा नेगेटिभ आएको भरतपुर अस्पतालले जनाएको छ।

भरतपुर अस्पताल र  भरतपुर कोरोना अस्पतालमा गरी ३४ र अन्य अस्पतालबाट संकलन गरिएका ११ गरी जम्मा ४५ जनाको स्वाब  पिसिआर परिक्षणका लागि भरतपुर कोभिड १९ प्रयोगशालामा पठाइएको थियो ।

हाल कारोना पोजेटिभ एकजना संगै १२ जनाको कोरोना अस्थायी अस्पताल र १३ जनाको भरतपुर अस्पतालको आइसोलेसनमा उपचार भइरहेको छ।