आइतबार मात्र १३ जनामा कोरोना पुस्टि, योसगै संक्रमितको संख्या २९५ पुग्यो

जेठ, काठमाडौं । स्वास्थ्य तथा जनसंख्या मन्त्रालयले थप १० जनामा कोरोना भाइरसको संक्रमण पुष्टि भएको जानकारी दिएको छ । नेपालमा कोरोना भाइरसबाट संक्रमित हुनेको संख्या २९१ पुगेको छ ।

स्वास्थ्य तथा जनसंख्या मन्त्रालयले आइतबार बिहान सवा ७ बजे अध्यावधिक विवरण अनुसार थप १० जनामा नयाँ पुष्टी भएको हाे । नयाँ पुष्टि हुनेमा  रौतहट राजपुर न.पा. फरहदवा – ९ निवासी १८, ३२, ३६, ३९, ३९, ४२, ४८ पुरुषहरू र रौतहट इशनाथ न. पा. – ३, ५ निवासी २८, ३०, ३३ वर्षीय पुरुषहरू रहेका छन्।

राष्ट्रिय जनस्वास्थ्य प्रयोगशाला, काठमाडौँ गरिएको परीणमा उहाँहरुमा कोरोना पुष्टि भएको मन्त्रालयले जनाएकाे छ। हाल सम्म प्राप्त विवरण अनुसार उहाँहरूको स्वास्थ्य अवस्था सामान्य छ र उहाँहरू स्वास्थ्यकर्मीको सम्पर्कमा रहेको मन्त्रालयले जनाएको छ।

बेलुका थप तीनजनालाई कोरोना भाइरसकाे संक्रमण देखिएको छ । योसँगै नेपालमा २ सय ९५ जनामा संक्रमित भएकाे स्वास्थ्य तथा जनसंख्या मन्त्रालयले बताएको छ ।

मन्त्रालयका सहप्रवक्ता डा. समिरकुमार अधिकारीले आइतबार विज्ञप्ति जारी गर्दै धनकुटा निवासी ३४ वर्षीया महिला, विराटनगर निवासी २९ वर्षीया महिला र ३६ वर्षीय पुरुषमा कोरोना संक्रमण देखिएको बताएका छन् ।

विपी कोइराला स्वास्थ्य विज्ञान प्रतिष्ठान धरानमा गरिएको परीक्षणमा संक्रमण फेला परेको हो ।

उनीहरूको स्वास्थ्य अवस्था सामान्य रहेको उनले बताएका छन् । साथै, संक्रमितहरू चिकित्सकहरुको सम्पर्कमा रहेका छन् । संक्रमितमध्ये ३६ जना निको भएर घर फर्किएका छन् भने २ जनाको मृत्यु भएको छ ।