नेपाली कांग्रेसका नेताले, उपलब्ध गराए यति ठुलो परिमाणमा स्वास्थ्य सुरक्षाका सामग्री।

जेठ , काठमाडौं । नेपाली कांग्रेसका नेता तथा संविधानसभा सदस्य रामहरि खतिवडाले ओखलढुंगा लाई दुइ सय साठ्ठी लिटर सेनीटाइजर सहित स्वास्थ्य सुरक्षाका सामग्री उपलब्ध गराएका छन् । जिल्ला कमाण्ड पोष्ट मार्फत सबै स्थानीय तह, जिल्ला समन्वय समिति, प्रहरी प्रशासन, अस्पताल र पत्रकारहरुलाई समेत स्वास्थ्य सुरक्षाका सामाग्री उपलब्ध गराएका हुन् ।

उनले सेनीटाइजर, क्लोरिन स्प्रे सेट तथा क्लोरिन झोल, एन ९५ माक्स, पिपीइ सेट, फेस सेभर,प्रेस ज्याकेट लगायत स्वास्थ्य सुरक्षाका सामाग्री उपलब्ध गराएको बताए । नेता खतिवडा र नेपाली कांग्रेस जिल्ला सभापति प्रदीप कुमार सुनुवारको पहलमा विभिन्न निकाय बाट संकलन गरी ल्याएको सामाग्री करिव ४ लाख बराबरको रहेको बताइएको छ ।

जिल्लाका ८ वटै स्थानीय तहमा २० लिटरका दरले १ सय ६० लिटर, जिल्ला प्रहरी कार्यालय, जिल्ला समन्वय समिति, शसस्त्र प्रहरी कार्यालय, नेपाली सेना, सामुदायिक अस्पताल, जिल्लास्थित पत्रकारहरु तथा अन्य निकायहरुलाई १ सय लिटर गरी २ सय ६० लिटर सेनीटाइजर उपलब्ध गराएको जिल्ला कमाण्ड पोष्ट ओखलढुंगाले जनाएको छ । प्रत्येक वडालाई कम्तीमा पनि २ लिटरका दरले पुग्ने गरी जिल्लामै पहिलो पटक उक्त परिमाणको सेनीटाइजर उपलब्ध गराएको खतिवाडाले बताए ।

त्यस्तै १० वटा क्लोरिन स्प्रे सेट र ५० लिटर क्लोरिन झोल, तीन हजार सर्जिकल माक्स, १ सय ५० थान एन ९५ माक्स र पत्रकारका लागि १५ थान प्रेस ज्याकेट समेत उपलब्ध गराएको नेता खतिवडाले जानकारी दिए । जिल्ला कमाण्ड पोष्ट मार्फत उपलब्ध गराएको उक्त सामाग्रीहरु लिखु र खिजीदेम्बा गाउपालिका बाहेक सबै गाउपालिका र सिद्धिचरण नगरपालिकाले बुझिसकेका छन ।

खतिवडाले मानेभञ्ज्याङ गाउँपालिकालाई भने बुधबारनै गाउँपालिका अध्यक्ष मोतीराज राईलाई हस्तान्तरण गरेका थिए । स्वास्थ्य सुरक्षाका सामाग्री हस्तान्तरणमा नेपाली कांग्रेसका जिल्ला सभापति प्रदीपकुमार सुनुवार र पार्टी सचिव रुद्रप्रसाद अधिकारी समेत सहभागी थिए । खतिवडा र पार्टी सभापति सुनुवारले जिल्लावासीको सुरक्षा चिन्ता बढ्दै गएकाले आफ्नो तर्फबाट सक्दो सहयोग गर्दै आएको बताए । अहिले एक चरणलाई जिल्लाभर पुग्ने गरी सेनिटाइर र अन्य सुरक्षाका सामग्री लिएर आएको र अपुग भए विभिन्न निकायहरुसंगको सहकार्यमा पूनः आवश्यक राहतका सामाग्रीहरु उपलब्ध गराउने नेताहरुले बताएका छन् ।

खतिवडाले नेपालमा कोरोना संक्रमणको सुरु हुँदै जिल्लामा मेडिकल सामग्रीको चरम अभाव भएको बेला १० हजार माक्स, पीपिइ सेट, थर्मल गन लगायतका सामग्रीहरु उपलब्ध गराएका थिए । संकटको समयमा मेरो तेरो नभनी ओखलढुंगे जनताको स्वास्थ्य सुरक्षाका विषयमा निरन्तर लागिरहेको खतिवडाले बताए । नागरिकलाई परेको यति ठुलो संकटको समयमा पनि जितेका सांसदहरु कता लुकेर बसेको भन्दै उनले जिल्लाका सांसदहरुले राजनीतिक आग्रह पूर्वाग्रह नरखी आफुसंग सहकार्य गर्दै नागरिकको समस्या समाधानका लागि लाग्न आग्रह समेत गरे । सामाग्री वितरणका क्रममा नेपाली कांग्रेसका जिल्ला सभापति प्रदीपकुमार सुनुवारले संकटको यो घडीमा मानविय समवेदना पहिलो कुरा भएकाले सबै स्थानीय तहका जनप्रतिनिधिहरुले आम नागरिकको पक्षमा उत्कृष्ठ काम गर्नु पर्ने बताए ।