चितवन काेराेना संक्रमणमुक्त जिल्ला बनिरहदा, भरतपुर कोरोना विशेष (अस्थायी) अस्पताल आफैमा थला !

बैशाख, चितवन ।कोरोना संक्रमितको उपचार गर्न चितवनको भरतपुरमा ७२ घण्टामै अस्पताल बनाइएको थियो । भरतपुर महानगरपालिकाले चितवनलाई कोरोना संक्रमणबाट बचाउनका लागि पूर्वतयारी स्वरुप ७० बेडको अस्थायी अस्पताल बनाएको थियो ।

अस्पताल भरतपुरस्थित उद्योग संघको परिसरमा रहेको प्रदर्शनी केन्द्रमा बनाइएको थियो । जसमा १० शैयाको आइसियू, १० शैयाको एचडियू र ५० शैयाको जनरल वार्ड बनाइएको थियो ।

हिजो सम्म कोरोना (कोभिड–१९) का विरामीको उपचार गरेर विपत्तीमा परेका लाई सहज बनाउने कर्ममा लागेको भरतपुर कोरोना विशेष (अस्थायी) अस्पताल यतिवेला आफैमा परेको विपत्ती कसरी समाधान गर्ने भन्नेमा पुगेको छ ।

अस्पतालको सीसी टिभी फुटेजमा देखिएको श्रव्यदृस्य सार्वजनिक भएपछि विकसित भएको परिस्थितिले गर्दा अस्पताल आफै विपत्तीमा परेको हो । केही दिन पहिले उक्त अस्पतालमा कार्यरत कर्मचारीहरुले अस्पतालमा रहेका सामान एक एक गरि कार्टुन र झोलामा राख्दै गरेको विषयलाई चोरी संग जोडेर एउटा अनलाईन सञ्चार माध्यममा समाचार सार्वजनिक भएपछि यतिवेला उक्त अस्पतालमा कार्यरत कर्मचारीको नियत प्रति शंका उपशंका उब्जेको हो । उक्त शंका उपशंकाले लहरो तान्दा पहरो घर्के जस्तै भएको थियो। अख्तियार दुरुपयोग अनुसन्धान आयोग हेटौंडाको टोली समेत आएर अस्पतालमा छापा मारेको थियो । भरतपुर महानगरपालिकामा रहेका अस्पताल संग सम्बन्धित कागजात समेत नियन्त्रणमा लिएर गएको छ । यही विषयलाई प्रतिपक्षमा रहेको नेपाली काँग्रेस चितवनले प्रमुख मुद्धा बनाएर दोषिलाई कारवाही गर्न माग गर्दै जिल्लाको अख्तियारको जिम्मेवारी लिएको जिल्ला प्रशासन कार्यालय गुहारेको थियो । जिल्लाका सबै सरोकारवाला समुदायको सहभागीता रहेको भरतपुर कोरोना नियन्त्रण कार्यदलले छानविन समिति बनाएको भएपनि अन्ततः अख्तियारको टोलीले छापा मार्न थालेपछि समितिका संयोजक रहेका चितवन उद्योग संघका अध्यक्ष राजु पौडेलले एक विज्ञप्ति प्रकाशित गरि छानविनबाट हात झिकेका थिय।

नेकपाले एक विज्ञप्ति मार्फत कोरोना अस्पतालको चोरी र आर्थिक हिनामिनाको विषय अनावस्यक राजनीतिकरण भएको ठहर गरेको थियो । जिल्ला अध्यक्ष यमबहादुर परियार र सचिव कृष्णभक्त पोखरेलले सम्युक्त रुपमा जारी गरेको विज्ञप्तिमा कोरोना विशेष अस्पतालमा देखिएका समस्याको सत्यतथ्य प्रमाण, अध्ययन अनुसन्धान अवधि पुरा नहुदा सम्म छानविनमा सहयोग गर्न सबैमा अपिल गरिएको थियो ।

                                                                                      काँग्रेस, द्वारा जारी गरिएका विज्ञप्ति

                                                                                      नेकपा, द्वारा जारी गरिएका विज्ञप्ति

                                                                           राजु पौडेलद्वारा जारी गरिएका विज्ञप्ति