देशभर आइसोलेसनमा २२८ जना छन् भने, क्वारेन्टाइनमा १२ हजारभन्दा बढीः स्वास्थ्य मन्त्रालय

बैशाख, काठमाडौँ।  नेपालमा कोरोना भाइरस संक्रमितको संख्या बढ्दै गएको छ। मंगलबार मात्रै ५७ जना कोरोना संक्रमित थपिएका छन्। यससँगै नेपालमा कोरोना संक्रमितको संख्या १९१ पुगेको स्वास्थ्य मन्त्रालयले पुष्टि गरेको छ।

यस्तै देशभर १२ हजार ७ सय ८५ जना क्वारेन्टाइनमा र २२८ जना आइसोलेसनमा रहेको स्वास्थ्य मन्त्रालयका प्रवक्ता डा. विकास देवकोटाले जनाकारी दिए।

स्वास्थ्य मन्त्रालयका अनुसार पछिल्लो २४ घण्टामा २ हजार २ सय ३६ जनामा कोरोना भाइरसको परीक्षण गरिएको छ।

यसैगरी हालसम्म देशभर पीसीआरबाट १८ हजार ९ सय ६४ जनामा कोरोना परीक्षण गरिएको  र आरडीटीबाट ५९ हाजर ६ सय २७ जनामा परीक्षण गरिएको स्वास्थ्य मन्त्रालयको नियमित प्रेस ब्रिफिङका क्रममा प्रवक्ता डा. देवकोटाले जानकारी दिए।