चितवनमा बैंकहरुमा अत्याधिक भिडभाड बढदा थप कोरोना संकट, तर लकडाउन खुकुलो भएको भने होइन :- प्रमुख जिल्ला अधिकारी भट्टराई

बैशाख, चितवन । जिल्ला प्रशासन कार्यालय चितवनका जिल्ला अधिकारी नारायणप्रसाद भट्टराईले वित्तीय संस्थाहरु खुलेपछि जिल्लामा कोरोना संक्रमणको जोखिम बढेको बताउनुभएको छ । लकडाउनमा दैनिक जीवनसँग प्रत्यक्ष सरोकार राख्ने अत्यावश्यक विषयमा प्रशासनले सहजीकरण गरे पनि बैंकहरु एकाएक खुल्दा  संकटको घण्टी बजेको उहाँले बताउनुभएको हो ।

प्रमुख जिल्ला अधिकारी भट्टराईले भन्नुभयो, “नेपाल राष्ट्र बैंकले गत शनिबार ल्याएको नीतिले बैंकहरुमा अत्याधिक भिडभाड बढेको छ । लामो समयदेखि चलिरहेको लकडाउनका कारण सर्वसाधारणलाई समस्या छ भन्ने हामीले बुझेका छौं र यसरी बैंक तथा वित्तीय संस्थामा हिढेका व्यक्तिहरुलाई रोकेर बीच बाटो बाटै फर्काउने कुरा नी भएन । यसले गर्दा जिल्लामा कोभिड–१९ को संक्रमणको जोखिम बढेको छ ।

भट्टराईले बैंक तथा वित्तीय संस्था खुलेपछि चितवनलाई सम्भावीत जोखिमबाट सुरक्षीत राख्नका लागी आज जिल्ला विपत व्यवस्थापनको बैठक बसेकोे जानकारी दिनुभएको छ । उहाँले भन्नुभयो, जिल्लामा कोभिड १९ को जोखिम नबढने गरि के गर्न सकिन्छ भन्ने विषयमा छलफलको चरणमा रहेका छौँ । आज र भोली (मंगलबार) पूनः बस्ने बैठकको निर्णय अनुसार जिल्लाको सुरक्षामा लाग्ने उहाँले बताउनु भएको छ ।

साथै चितवनमा लकडाउन खुकुलो भएको देखिरहदा प्रमुख जिल्ला अधिकारी भट्टराईले भने लकडाउन खुकुलो नभएको दावी गुर्न भएको छ । उहाँले सवारी साधन सडकमा देखिए पनि लकडाउन खुकुलो नभएको दावी गर्नुभएको हो । उहाँले भन्नुभया,े “लामो समय देखि लकडाउन चलिरहेकोले मानिसहरुमा आत्मधैरियता गुमेर बाहिर निश्कीएका हुँन, यो कुरा म स्वीकार गर्छु, तर लकडाउन खुकुलो भएको भने होइन ।” यस्तै भट्टराईले अत्यावश्यक बाहेकका पसलहरु खुलेको सुन्ना साथ तत्काल प्रहरी परिचालन गरेर बन्द गरेको पनि जानकारी दिनुभएको छ ।