कांग्रेसको प्रश्‍न – भारतले लिपुलेक हुँदै सडक खोलेको विषयमा सरकारको धारण के हो ?

काठमाडौं, बैशाख ।  प्रमुख प्रतिपक्षी दल नेपाली कांग्रेसले लिपुलेक नेपाली भूमि भएको भन्दै  सरकारको धारण माग गरेको छ । भारतले नेपाली भूमि लिपुलेक हुँदै मानसरोवर जाने सडक मार्गको उद्‌घान गरेपछि कांग्रेसले सो कुराको विरोध गर्दै सरकारसँग जवाफ मागेको हो ।

कांग्रेसका प्रवक्ता विश्‍वप्रकाश शर्माले शुक्रबार प्रधानमन्त्रीलाई मेन्सन गर्दै  ट्विटमार्फत लिपुलेक नेपालको भूमि भएको बताएका छन् ।  उनले लेखेका

छन्, ‘चीनको मानसरोवर जोड्न भारत सरकारले लिपुलेक हुँदै सडक उद्घाटन गरेको समाचारबारे नेपाल सरकारको धारणा चाहन्छौं ।’

नेपाली भूभागबारे उच्चस्तरीय कुटनीतिक पहलमार्फत दीर्घकालीन समाधान खोज्‍न, सरकारको दायित्व कांग्रेसले पुनः स्मरण गराएको छ । नेपाली भूमी लिपुलेकमाथि भारतले आफ्नो दाबा गर्दै आएको छ । भारतले  नक्कली नक्सा सार्वजनिक गर्दै लिपुलेक आफ्नो नक्सामा पारेपछि कांग्रेसले यसअघि पनि कडा शब्दमा विरोध गरेको थियो । तर, सरकारले सो बारे कुनै परिणाममुखी पहल गर्न सकेको छैन । भारतीय रक्षामन्त्री राजनाथ सिंहले शुक्रबार भिडियो कन्फ्रेन्समार्फत मानसरोवर जाने लिंह रोडको उद्‌घाटन उद्‌घाटन गरेका थिए ।