एम्बुलेन्स र मोटरसाइकल ठोक्किँदा एक जनाको मृत्यु, एक जना घाइते

काठमाडौँ, बैशाख ।  कैलालीमा एम्बुलेन्स र मोटरसाइकल ठोक्किँदा एक जनाको मृत्यु भएको छ भने एक जना घाइते भएका छन् ।

पूर्वपश्चिम राजमार्ग अन्तर्गत जिल्लाको गौरीगंगा नगरपालिका–९ मा भएको दुर्घटनामा परी मुत्यु हुनेमा सशस्त्र प्रहरी बेस क्याम्प पहलमानपुरमा कार्यरत सहायक हवल्दार ३५ वर्षीय गोरख ऐर रहेको प्रहरीले जनाएको छ।

ओमसाइ अस्पतालको से १ च १८२८ नम्बरको एम्बुलेन्स र म २ प ५३०३ नम्बरको मोटरसाइकल ठोक्किएको हो । मोटरसाइकल चालक घोडाघोडी नगरपालिका वडा नम्बर १० का २८ वर्षीय भरत बोहरा घाइते भएका छन्।

एम्बुलेन्सका चालक धनगढी उपमहानगरपालिका–१० का ५४ वर्षीय आशाराम चौधरीलाई प्रहरीले नियन्त्रणमा लिएको छ।