नेपालगञ्जबाट एक महिलासहित दुई जना आज चितवन आउँदै

चितवन । श्रीमान्को किरियाकर्म गर्नका लागि नेपालगञ्जबाट एक महिलासहित दुई जना आज चितवन आउँदैछन् । भरतपुर–६, गीतानगर घर भएकी एक महिला चितवन आउन लागेकी हुन् । उनी आफ्नो ज्वाईसँगै आउँदैछिन् ।

उनको श्रीमान्को हिजो निधन भएपछि आवश्यक प्रक्रिया पूरा गरेर चितवन ल्याइएको भरतपुर–६ का वडाध्यक्ष हरिविलास कोइरालाले जानकारी दिए । उनीहरूलाई पुल्चोकबाट सीधै कोरोना अस्पताल लगी ज्वरो जाँच गराएरमात्रै गीतानगर लगिने उनले बताए ।

घरमा पनि छुट्टै होम क्वारेन्टाइनको व्यवस्था गरिएको उनको भनाइ छ । सुरक्षा निकाय र जनप्रतिनिधिले नियमित अनुगमन गरिरहने उनले बताए ।