बादल नफकाउने प्रचण्डको निष्कर्ष, उपप्रधानमन्त्रीको आशा अधूरै

काठमाडौं, वैशाख । शनिबार सत्तारुढ नेकपाभित्रको शक्ति संघर्ष र नयाँ समीकरणलाई लिएर रमाइलो टुक्का नै बन्यो  खुमलटारमा ‘बादल’ लागेपछि बालुवाटारमा ‘बर्षा’,

पूर्वमाओवादी समूहमा रहेर पनि अन्तिम समयमा प्रचण्डलाई साथ नदिएका सचिवालय सदस्य तथा गृहमन्त्री रामबहादुर थापा बादलको भूमिकाबारे पूर्वमाओवादीहरु पहिले नै सशंकित थिए । त्यसो त, जनयुद्धकालमा पनि चुनवाङ बैठकमा अंगालो मार्नुबाहेक अन्य अवस्थामा हार्दिकतापूर्वक सम्बन्ध नरहेको स्पष्टै देखिन्थ्यो ।

खासगरी प्रचण्डले बादललाई सांस्कृतिक मामिलामा कारबाहीको डण्डा चलाएपछि बादलले त्यसलाई ‘मित्रले दिएको धोका’को रुपमा मनमा लिँदै आएको उनी निकटष्ठहरु बताउँछन् ।

शनिबारसम्म आउँदा प्रधानमन्त्री केपी ओलीले आफूलाई सघाउनेलाई पुरस्कृत गर्ने वचन नै दिएका थिए । बादललाई पनि आशा थियो- उपप्रधानमन्त्रीमा उक्लन पाउँछु कि भन्ने । यही आशाले खुमलटारको आकाशमा कालो बादल नै लाग्यो ।

प्रधानमन्त्री ओलीले छाडेको अश्रु ग्याँसले आँखा मिचेका भनिएका भैंसेपाटी गठबन्धनबाट वामदेव र बादल निस्कँदा विष्णु पौडेलले पनि कित्ताकाँट गरे । यसबाट प्रचण्ड समूहले कमजोर अनुभूति गरिरहेको बुझिएको छ ।

तर जब ओली राष्ट्रपति निवासबाट फर्किए । चीज अर्कै बनिसकेको थियो । ओलीले समर्पण गर्ने भनेको पुरस्कार वितरण समारोह रोकियो र बादलको उपप्रधानमन्त्री बन्ने चाहना अधूरै रह्यो ।

यद्यपि, गठबन्धन भत्किनुसँगै चिनियाँ राष्ट्रपतिको फोनले पनि नेकपाका सबै नेताहरु हच्किएको उच्च स्रोतले जनाएको छ ।

पछिल्लो समयको कदमले बादल समूहबाट देव गुरुङ र पम्फा भुसाल अलग्गिए पनि सूर्य सुवेदी पथिक र महेश्वर दाहाल भने सोही समूहमा रहेको खुमलटारको निष्कर्ष छ । कुनैबेला प्रचण्ड समूह संशोधनवाद हुँदै पतन भएको भन्दै ‘गद्दार’को आरोप लगाउँदै पार्टी फुटाउने बादल ‘जनयुद्ध’ स्वीकार्न त परै जाओस्, उच्चारण गर्न पनि नचाहने ओलीको समर्थनमा पुगेपछि उक्त समूहमा असन्तुष्टि चुलिएको हो ।@सोमवार