कोरियामा वाइन सबैभन्दा धेरै बिक्ने मदिरा

सोल-एक अध्ययन अनुसार हाल दक्षिण कोरियालीहरु माझ वाइन वियर जत्तिकै प्रसिद्ध हुन थालेको छ । पहिले विशेष अवसरहरुमा मात्र प्रचलनमा ल्याइने गरिएको वाइन आजभोली नियमित रुपमै प्रयोगमा आउन थालेको हो ।

वर्ष २०१९ को सुरुवातबाट नै सुपरमार्केटहरुमा वियर भन्दा वाइनको विक्रि बढी भएको हो । रक्सिजन्य पदार्थमा सबैभन्दा बढी विक्रि वाइनको रहेको पनि अध्ययनले देखाएको छ ।

तथ्याङ्कका अनुसार रक्सिजन्य पदार्थहरुमा सबैभन्दा बढी विक्रि हुने वाइनले बजारको करिव २३.३ प्रतिशत हिस्सा ओगटेको छ । त्यसै गरि कोरियन वियरले करिव २२.२ प्रतिशत बजार ओगटेको छ ।

विदेशी वियरको बजार कोरियामा करिव २१.६ प्रतिशत रहेको छ भने सोजु को बजार हिस्सा करिव १८.२ प्रतिशत रहेको छ ।

अध्ययनका अनुसार आगामी बर्ष मधिरा विक्रिमा उल्लेख्य बृद्धी हुने जनाइएको छ | यसको कारण कोरियामा हुने हरेक सभा समारोहमा मदिराको अधिकतम प्रयोग हुनुलाई मानिएको छ |