के हो गाईमा बाँझोपनको समस्या। कसरि हुन्छ ?

माघ , राप्ती, चितवन । राप्ती नगरपालिका का अधिकांश गाईमा बाँझोपनको समस्या देखिएको छ । सोमबार आयोजना गरिएको पशु स्वास्थ्य शिविरमा परीक्षण गराएका मध्ये प्रायः सबै गाईमा बाँझोपनको समस्या देखिएको हो ।

शहीद बलराम दुग्ध उत्पादक सहकारी संस्थाको आयोजना तथा राप्ती नगरपालिका पशुपक्षी विकास शाखा र नेपाल भेटेरिनरी स्टुडेन्ट्स एसोसियसन को संयोजनमा वडाको डुडगाउँमा शिविर भएको हो ।

शिविरमा कुल २५० वटा पशुहरुको जाँच गरिएको शहीद बलराम दुग्ध उत्पादक सहकारी संस्थाका अध्यक्ष छविलाल भूषालले जानकारी दिए । त्यसमध्ये गाई १५० वटा, भैँसी २५ वटा, बाच्छी २० वटा, बाख्रा ४० वटा, पाडी १० वटा र कुकुर ५ वटाको स्वास्थ्य परीक्षण गरिएको थियो । परीक्षण गराएका मध्ये अधिकांश गाईमा बाँझोपनको समस्या देखिएको संस्थाका अध्यक्ष भूषालले बताए ।

त्यस्तै छालासम्बन्धी रोग पनि देखिएको छ । सो शिविरमा गाईभैँसीको गोबरसमेत परीक्षण गरिएको थियो । परीक्षणका क्रममा करिव ९० प्रतिशत गाईभैँसीमा नाम्ले जुकाको समस्या देखिएको सहकारीका अध्यक्ष भूषालले बताए ।

राप्ती नगरपालिका पशुपक्षी शाखा प्रमुख पशु चिकित्सक शैलेन्द्र भण्डारीले आवश्यक आहार नहुनु र सफासुग्गर नहुँदा गाईभँैसीमा बाँझोपन, छालाको रोग देखिने गरेको बताए । सो शिविरमा प्राध्यापक डाक्टर किशोर शाह, डाक्टर एगेन्द्रकुमार श्रेष्ठ, डाक्टर टीकाराम न्यौपाने लगायत को टोलीले पशुहरुको स्वास्थ्य परीक्षण गरेको थियो ।