एनपीएल क्वालिफायरमा आज सुदूरपश्चिम–विराटनगर भिडन्त

नेपाल प्रिमियर लिग (एनपीएल) को पहिलो क्वालिफायरमा आज सुदूरपश्चिम रोयल्स र विराटनगर किङ्स भिड्दैछन्। त्रिवि क्रिकेट मैदानमा दिउँसो ४ बजे हुने खेलको विजेता सिधै फाइनल पुग्नेछ भने पराजित टोलीले दोस्रो क्वालिफायरमा लुम्बिनी लायन्स र काठमाडौं गुर्खाजमध्ये विजेतासँग प्रतिद्वन्द्विता गर्नेछ। लिग चरणमा उत्कृष्ट प्रदर्शन गर्दै शीर्ष स्थानमा पुगेको सुदूरपश्चिमलाई जहाँ निरन्तरता कायम राख्ने लक्ष्य छ भने सन्दीप लामिछाने नेतृत्वको विराटनगर अन्तिम खेलमा सुदूरपश्चिमलाई हराएर बलियो दाबेदार बनेको छ। दुवै टोलीले यसअघि एनपिएलमा १–१ खेल जितेकाले आजको भिडन्तलाई उच्च प्रतिस्पर्धात्मक मानिएको छ।