सवारी दुर्घटना न्यूनिकरण तथा ट्राफिक सचेतना अभिवृद्धिका लागि प्रभावकारी कार्यक्रमहरू संचालन

चितवन – सवारी दुर्घटना न्यूनिकरण र ट्राफिक सचेतना अभिवृद्धिका लागि यस कार्यालय तथा मातहतका विभिन्न यूनिटहरूले संयुक्त रूपमा विविध प्रभावकारी कार्यक्रमहरू सञ्चालन गरेका छन्।

“Two Minutes with Two Wheelers” शीर्षकमा आयोजित जनचेतनामूलक अभियानमार्फत मोटरसाइकल चालकहरूसँग प्रत्यक्ष संवाद गरी ट्राफिक नियमको महत्त्व र सुरक्षा उपायहरूको जानकारी प्रदान गरिएको छ। अभियानका क्रममा चालकहरूले ट्राफिक नियमको पालना गर्ने प्रतिबद्धता व्यक्त गरेका छन्।

त्यस्तै, सवारी साधनहरूमा जथाभावी राखिएका अनावश्यक झोला, ब्यानर, सजावट, झल्लर आदि हटाउने अभियान सञ्चालन गरिएको छ। यसले सडकमा चलिरहेका सवारीहरूको दृश्यता र सवारी नियन्त्रणमा सहजता ल्याएको छ, जसले सम्भावित दुर्घटनाको जोखिम घटाएको छ।

यस प्रकारका सचेतनामूलक र व्यवहारमुखी कार्यक्रमहरूले ट्राफिक व्यवस्थापनमा सकारात्मक प्रभाव पारेको छ। भविष्यमा यस्ता कार्यक्रमहरूलाई अझ व्यापक र प्रभावकारी बनाउँदै लैजाने योजना रहेको सम्बन्धित अधिकारीहरूले बताएका छन्।